काठमाडौं । चैत १५ मा काठमाडौंको तीनकुनेमा भएको प्रदर्शनसँग सम्बन्धित आरोपमा अभिनेत्री एनी कुँवरलाई प्रहरीले पक्राउ गरेको छ।
उपत्यका अपराध अनुसन्धान कार्यालयका अनुसार कुँवरलाई ललितपुरबाट पक्राउ गरी अनुसन्धान अघि बढाइएको छ। सामाजिक सञ्जालमा पत्रकार सुरेश रजकको घरमा आगलागीपछि कुँवरले उक्त घरमा ताला लगाउँदै गरेको दृश्य देखिने भिडियो भाइरल भएपछि उनी विवादमा आएकी थिइन्।
घटनापछि उनले फेसबुक लाइभमार्फत सहयोगका लागि आग्रहसमेत गरेकी थिइन्। प्रदर्शनको क्रममा अवाञ्छित गतिविधिमा संलग्न भएको आशङ्कामा उनलाई नियन्त्रणमा लिइएको उपत्यका अपराध अनुसन्धान कार्यालयले जनाएको छ ।
प्रहरीले हाल घटनाको विस्तृत अनुसन्धान गरिरहेको जनाएको छ।
प्रतिक्रिया