काठमाडौं । तीनकुनेमा राजावादी प्रदर्शनका क्रममा निधन भएका पत्रकार सुरेश रजकको एक्स–रे प्रक्रिया पूरा भएको छ।
त्रिवि शिक्षण अस्पतालमा राखिएको उनको शवको पोस्टमार्टम एक्स–रे रिपोर्ट आएपछि मात्रै सुरु गरिने चिकित्सकहरूले बताएका छन्। चिकित्सकका अनुसार रिपोर्ट बुधबार बिहान १० बजे आउने अपेक्षा गरिएको छ, जसपछि पोस्टमार्टम सुरु गरिनेछ। रजकको निधनपछि गोली लागेको हल्ला फैलिएपछि अस्पतालले एक्स–रे नगरी पोस्टमार्टम नगर्ने निर्णय गरेको थियो।
सामाजिक सञ्जाल तथा केही सञ्चारमाध्यमहरूले रजकलाई गोली लागेको दाबी गरेपछि प्रहरीले विज्ञप्ति जारी गर्दै यस्ता खबर भ्रामक भएको र कानुनी कारबाही गरिने चेतावनी दिएको छ। यसैबीच, पोस्टमार्टमका लागि पठाइएका अर्का व्यक्ति सविन महर्जनको पोस्टमार्टम पूरा भएको छ। प्रहरी स्रोतका अनुसार उनको शरीरमा गोली लागेको पुष्टि भएको छ।
गोली दायाँ हातको कुहिनो नजिक छिरेर कोख हुँदै ढाडबाट निस्किएको पाइएको छ।
प्रतिक्रिया