कञ्चनपुर । बेलौरी नगरपालिका–२ टेंढुवा गाउँबाट नियन्त्रणमा लिइएको वयस्क भाले पाटेबाघलाई गए राति शुक्लाफाँटा राष्ट्रिय निकुञ्जमा सुरक्षित रूपमा छाडिएको छ।
डिभिजन वन कार्यालयका प्रमुख रामविचारी ठाकुरका अनुसार बाघलाई निकुञ्जको कोर एरियामा रहेको प्राकृतिक बासस्थानमा पुनःस्थापित गरिएको हो। आइतबार गहुँबारीमा फेला परेको बाघलाई सुरक्षित रूपमा उद्धार गरी स्वास्थ्य परीक्षण गरिएको थियो। परीक्षणपछि बाघ पूर्ण रूपमा स्वस्थ रहेको पुष्टि भएपछि निकुञ्जमा छाड्ने निर्णय गरिएको हो।
डिभिजन वन कार्यालय, शुक्लाफाँटा राष्ट्रिय निकुञ्ज, राष्ट्रिय प्रकृति संरक्षण कोष, जिल्ला प्रशासन कार्यालय तथा सुरक्षा निकायहरूको संयुक्त छलफलपछि बाघलाई पुनःस्थापना गर्ने निर्णय गरिएको ठाकुरले जानकारी दिए।
प्रतिक्रिया