काठमाडौं । देशभर पश्चिमी वायु तथा स्थानीय वायुको आंशिक प्रभाव देखिएको छ।
जल तथा मौसम विज्ञान विभाग, मौसम पूर्वानुमान महाशाखाका अनुसार कोशी, गण्डकी र कर्णाली प्रदेशका पहाडी भेगमा आंशिक बदली कायम रहँदा अन्य क्षेत्रहरूमा मौसम सामान्यतया सफा छ। गण्डकी प्रदेशका उच्च पहाडी तथा हिमाली भेगमा केही स्थानमा हल्का वर्षा र हिमपात भइरहेको छ।
दिउँसो कोशी, गण्डकी र कर्णाली प्रदेशका पहाडी क्षेत्रमा आंशिक बदली रहनेछ भने अन्य स्थानमा मौसम खुला रहनेछ। उच्च पहाडी तथा हिमाली भेगमा हल्का हिमपातको सम्भावना छ। राति बागमती, गण्डकी र लुम्बिनी प्रदेशका केही ठाउँमा आंशिक बदली रहनेछ भने अन्य क्षेत्रमा आंशिकदेखि सफा मौसम रहने अनुमान गरिएको छ।
मौसम परिवर्तनले दैनिक जनजीवन, कृषि, स्वास्थ्य, सडक तथा हवाई यातायातमा असर पार्न सक्ने भएकाले आवश्यक सतर्कता अपनाउन मौसम महाशाखाले अनुरोध गरेको छ।
प्रतिक्रिया