काठमाडौं । प्रधानमन्त्री केपी शर्मा ओलीले चैत १५ गते तीनकुने घटनामा ज्यान गुमाएका पत्रकार सुरेश रजकका परिवारलाई भेट गरी समवेदना व्यक्त गरेका छन्।
प्रधानमन्त्री निवास बालुवाटारमा भएको भेटमा उनले अराजक समूहद्वारा गरिएको आगजनीका कारण अकालमै ज्यान गुमाएका रजकप्रति श्रद्धाञ्जली अर्पण गर्दै परिवारलाई गहिरो समवेदना प्रकट गरे। साथै उनले घटनाको विस्तृत छानबिन भइरहेको बताउँदै दोषीमाथि कडा कारबाही गर्ने प्रक्रिया अघि बढिसकेको जानकारी दिए।
साथै, उनले मृतक रजकको दाहसंस्कार छिटो सम्पन्न गर्न परिवारजनलाई आग्रह समेत गरेका छन् । प्रधानमन्त्री ओलीले सुरेश रजककी श्रीमती सुजन रजकलाई रोजगारी तथा अन्य आवश्यक सहयोग उपलब्ध गराउने प्रतिबद्धता व्यक्त गरेका छन्।
उनले पीडित परिवारलाई आवश्यक सहजीकरणका लागि सरकारले आवश्यक कदम चाल्ने आश्वासन पनि दिए।
प्रतिक्रिया