पर्वत । पर्वतमा जीप दुर्घटना हुँदा २ जनाको मृत्यु भएको छ ।
जिल्लाको बिहादी गाउँपालिकामा आज बिहान उक्त दुर्घटना भएको हो । जिल्ला प्रहरी कार्याल्य पर्वतका अनुसार दुर्घटनामा परि ७ जना घाइते भएका छन् । गुल्मीको कालीगण्डकी गाउँपालिकास्थित पूर्तिघाटबाट स्याङ्जाको वालिङतर्फ जाँदै गरेको लु१ज ४४६० नम्बरको जीप बिहादी–६ लिदीमा दुर्घटना हुँदा दुई जनाको घटनास्थलमै मृत्यु भएको प्रहरीले जनाएको छ ।
बिहादी–३ रानीपानीका ६१ वर्षीय मीनप्रसाद उपाध्याय र गुल्मीको कालीगण्डकी गाउँपालिका–४ पूर्तिघाटकी ६४ वर्षीया डिलकुमारी भट्टचनको घटनास्थलमा मृत्यु भएको प्रहरीले जनाएको छ ।
उकालो सडकमा ब्रेक फेल भएर गाडी दुर्घटना भएको प्रहरीले जनाएको छ ।
प्रतिक्रिया