फागुन १३ गते मंगलबारको तपाईँको राशिफल

काठमाडौं । आज मिति २०८१ साल फागुन महिनाको १३ गते मंगलबार ।

तदनुसार २०२५ फेब्रुअरी २५ तारिख । नेपाल सम्बत ११४५ । आज सूर्योदय बिहान ६ः३१ बजे हुनेछ भने सूर्यास्त साँझ ६ः०१ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
आफ्नो काममा सक्दो खट्नुपर्ने दिन रहेको छ । मिहेनत गरेअनुसार राम्रै प्रतिफल हातलागी हुनेछ । परिबन्द र बाध्यतामा अलमलिनु पर्ने समय छ । आपसी समन्वय र तालमेल कायम रहनेछ । प्रतिष्ठित व्यक्तिहरूसँग भेटघाट हुने तथा सल्लाह र सद्भाव प्राप्त हुने देखिन्छ । धार्मिक र सांस्कृतिक महत्वको क्षेत्रमा भ्रमण हुनेछ ।

बृष (इ, उ, ए, ओ, बा, बि, बु, बे, बो) –
आँटेको लक्ष्यमा पुग्न सफल भइने छ । नयाँ कार्यको थालनी हुने वा सानो प्रयत्नले नै ठूलो सफलता मिल्नसक्ने देखिन्छ । थोरै मात्र प्रयास गर्दा पनि आम्दानीको मार्ग बढाउन सकिने छ । केही समय घरपरिवारका लागि छुट्उनुपर्ने हुनुसक्छ । मानसिक रूपमा सबल र परिपक्व बन्ने समय हो । पठनपाठनका क्रममा सहपाठी र शिक्षकहरूबाट सहयोग जुटाउन सकिने छ ।

मिथुन (का, कि, कु, घ, ङ, छ, के, को, ह) –
जोखिम र संकटले घेरेको समय छ । धेरै बटुल्ने लोभ गर्दा भएको मूल धन समेत गुम्नसक्ने खतरा देखिन्छ । नियम र कानुनसँग असङ्गत विषयवस्तु र गलत काममा दिलजस्पी राख्नु राम्रो नहोला । कुनै तेस्रो व्यक्तिको प्रवेशले प्रेम सम्बन्धमा कमजोरी देखा पर्नेछ ।

कर्कट (हि, हु, हे, हो, डा, डि, डु, डे, डो) –
शंकास्पद कारोबार र क्रियाकलापमा सहभागी नबन्नु राम्रो होला । महत्वपूर्ण कागजातमा हस्ताक्षर गर्दा राम्ररी पढ्नुहोला । प्रविधिको प्रयोग गरेर वा अनलाइन गतिविधिमार्फत अतिरिक्त लाभ हुनसक्छ । ढुवानी र आयातनिर्यातको काममा संयमता अपनाउनु ठीक होला । दाम्पत्य जीवनको भरपूर सुख भोग गर्न पाइने छ ।

सिंह (मा, मि, मु, मे, मो, टा, टि, टु, टे) –
परिश्रम र आरामको सन्तुलनमा ध्यान दिई पठनपाठनमा जुट्नुपर्ने दिन छ । बहस वा तर्कवितर्कमा विजयी भइने छ । शारीरिक थकान र बेचैनीको समय रहेको छ । सानातिना विषयमा चिन्ता गर्ने हुँदा आफूमात्र होइन, आफन्त र सँगीसाथीको तनावमा समेत बृद्धि हुनेछ । आफूले गरेको मिहिनेतको प्रतिफल अरुले हत्याउने चेष्टा गर्नेछन् । शुभचिन्तकहरूको साथ पाउनाले अप्ठ्यारो परिस्थितिमा समेत काम बनाउन सकिने दिन हो ।

कन्या (टो, प, पि, पु, ष, ण, ठ, पे, पो) –
कुनै प्राविधिक र सीपमूलक क्षेत्रमा आकर्षण बढ्नेछ । ज्ञान वा अनुभव बढाएर व्यक्तित्व विकासमा ध्यान दिनुहोला । कुनै नयाँ कामको थालनी गर्ने सोच्नुभएको छ भने प्रयास गर्नुहोला । कार्य सम्पादनमा सहजता र शीघ्रता हुनेछ । पारिवारिक प्रयोजनका लागि समय छुट्याउनु उचित होला । प्रेमिकासँग भेटघाट एवं गफगाफ गर्ने मौका जुर्नेछ ।

तुला (र, रि, रु, रे, रो, ता, ति, तु, ते) –
अचल सम्पत्ति, शेयर कारोबार, घरेलु प्रयोजनका वा भोगविलासका सामाग्रीमा फाइदा हुनेछ । आजको केही समय घरपरिवारमा खर्च गरेको जाती होला । दाम्पत्यसम्बन्धमा तालमेलको कमी देखिनेछ । कुनै गोप्य कुरा सार्वजनिक हुँदा अप्ठ्यारोमा पर्न सकिनेछ । अध्ययनका साथसाथै व्यवहारिक कामको सन्तुलन कायम राख्नुपर्ने देखिन्छ ।

बृश्चिक (तो, ना, नि, नु, ने, नो, या, यि, यु) –
हिम्मतका साथ काम गर्दा महत्वकाँक्षी कार्य शुभारम्भ गर्ने समय छ । कुनै कुराको दुविधा भएमा सहकर्मीको साथ लिँदा झन राम्रो होला । सँगीसाथीसँग रमाउन खोज्दा आपसी समन्वय बिग्रन सक्छ, सचेत हुनुहोला । धर्मकर्म वा परोपकारी काममा चासो बढ्नेछ । आँटेको काममा मित्र र सहयोगीको साथ पाउनाले नचिताएको काम सम्पादन हुनेछ ।

धनु (ये, यो, भ, भि, भु, ध, फा, ढ, भे) –
घुमघाममा निस्कने वा मस्ती गर्ने योजना बन्नसक्छ । खर्च बढ्ने दिन भएकाले गोजी बलियो बनाएर बस्नुहोला । मित्रवर्ग र स्टाफको सहयोग मिल्नाले मन प्रसन्न रहनेछ । कार्यक्षेत्रमा पनि राम्रो गर्नसक्नाले प्रतिष्ठा र सम्मान पाउन सकिने छ । कम्युनिकेसन, विज्ञापन वा मार्केटिङ तपाईंको व्यवसाय बढाउने उत्तम तरिका बन्नसक्छ । मानिसहरूको नकारात्मक प्रतिक्रियालाई व्यवास्ता गर्दै आफ्नो कर्ममा ध्यान दिने समय हो ।

मकर (भो, ज, जि, खि, खु, खे, खो, गा, गि) –
आजको कुनै पल तपाईंका लागि भावुक समय बन्नसक्छ । परिवारका सदस्य र जीवनसाथीको साथ मिल्नाले मन प्रसन्न रहनेछ । प्रयास गर्दा उपलब्धि पाउने दिन हो । उच्चशिक्षाका तथा अनुसन्धान गरिरहेका शिक्षार्थीका लागि राम्रो समय छ । नयाँ उत्साह र उमङ्ग जाग्ने समय हो । विजय र सफलताले जताततै पछ्याउन सक्छ तर रिसराग, घमण्ड र अहङ्कारबाट टाढा रहनु ठीक होला ।

कुम्भ (गु, गे, गो, सा, सि, सु, से, सो, द) –
सुखसुविधाका सामाग्रीप्रति आकर्षण बढ्नेछ । यद्यपी, आर्थिक पक्ष बाधक बन्ने देखिन्छ । आवश्यक पर्दा ऋण वा सरसापटी लिनुपर्ने बाध्यता देखिन्छ । पठनपाठनमा बाधा र अवरोध हुने नकारात्मक दिन हो । परिबन्द र बाध्यताका काममा रुमल्लिनु पर्ने हुनसक्छ । नियमित र व्यवहारिक खर्च बढ्न देखिन्छ । वैदेशिक प्रयोजनको कामबाट मनग्य लाभ हुनेछ । मनग्ये लाभ हुनेछ, विदेशी सम्पत्तिको उपयोग गरी फाइदा बटुल्ने समय हो ।

मीन (दि, दु, थ, झ, ञ, दे, दो, च, चि) –
मानसिक सन्तुष्टिको समय हो । जीवनसाथिलाई कुनै उपहार दिएमा सम्बन्धमा अझ प्रगाढता छाउनेछ । आज धार्मिक स्वभाव र परोपकारी मिजास प्राप्त हुनेछ । पेसागत काम नोकरी वा व्यापार वृत्तिबाट राम्रो धनार्जन गर्न सकिनेछ । सरकारी काम, ठेकापट्टा आदिमा अड्किएको काम फुकाउन सकिने समय हो ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७–९८४२२१९७३५