फागुन ११ गते आइतबारको तपाईँको राशिफल

काठमाडौं । आज मिति २०८१ साल फागुन महिनाको ११ गते आइतबार ।

तदनुसार २०२५ फेब्रुअरी २३ तारिख । नेपाल सम्बत ११४५ । आज सूर्योदय बिहान ६ः३३ बजे हुनेछ भने सूर्यास्त साँझ ६ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
शान्त र स्थिर मतिको उदय हुनुका साथै परोपकारी काममा दिलजस्पी बढ्नेछ । प्रेम र भाइचारालाई समेत जीवन्त तुल्याउन सकिने छ । ठूलाबडाको सहयोग लिन सके नबन्ने काम पनि बन्नसक्छ । तारिफयोग्य काम गरेर दङ्गपर्ने दिन रहेको छ । प्रेमिका वा साथिभाईसँग भेटघाटको अनुकुलता मिल्नेछ ।

बृष (इ, उ, ए, ओ, बा, बि, बु, बे, बो) –
कुनै धार्मिक र ऐतिहासिक महत्वको क्षेत्रको भ्रमण पनि हुनसक्छ । सानातिना बिमारी र चोटपटकको सम्भावना समेत रहेको छ । अस्वस्थ हुनुहुन्छ भने समय निकालेर आराम गर्नु ठिक होला । खनिज पदार्थ, पुरातात्विक चिजबीचको व्यवसायमा फाइदा देखिन्छ । परिवारका सदस्य र आफन्तको गतिविधिसमेत सन्तोषजनक नहुँदा खिन्नता बढ्नेछ ।

मिथुन (का, कि, कु, घ, ङ, छ, के, को, ह) –
रमणीयता र भावुकतामा भुलिने हुँदा कुनै महत्वपूर्ण काममा बाधा उत्पन्न हुनेछ । लक्ष्य प्राप्त गर्न कडा मिहेनत गर्नुपर्ने देखिन्छ । सबैको सहयोग प्राप्त हुनाले ताकेको कामबाट छिट्टै फुर्सद पाइने छ । कार्यालयमा नौलो कामको जिम्मेवारी लिनुका साथै मज्जाले खट्नुपर्ने हुनसक्छ । घरपरिवार र जीवनसाथीको चाहनालाई मनन गरी समय दिनुपर्ने परिस्थिति सिर्जना हुनेछ ।

कर्कट (हि, हु, हे, हो, डा, डि, डु, डे, डो) –
आडम्बर देखाउँदा सामान्य मानेको बिषयलाई प्रमाणित गर्न गाह्रो हुन्छ । बेकारको तर्कबितर्कमा दिन बित्ने परिस्थिति बन्नेछ । व्यक्तित्व विकासका निमित्त राम्रो अवसर प्राप्त हुनेछ । तोकिएको काम समयमै सम्पादन गर्न सकिने र थप आयआर्जनका लागि मन उत्सुक हुने समय छ । बेकरिङ, क्याटरिङ, फास्टफुड, माटोको सामाग्री, औजार, भाँडाकुँडा आदिका व्यवसायीले राम्रो गर्नसक्ने दिन हो ।

सिंह (मा, मि, मु, मे, मो, टा, टि, टु, टे) –
टाढा रहेका छोराछोरीमार्फत राम्रो समाचार सुन्न पाइने छ । आफूले चिताएका र आँटेका काम पनि सम्पन्न हुने समय हो । प्रयास गरेको कुनैपनि साधनाले पूर्णता प्राप्त गर्नेछ । नजानेर अड्किएका बिषयमा आज पुनः प्रयास गर्नु राम्रो हुन्छ । बौद्धिक क्षेत्र, चिन्तनमनन र दार्शनिक विषयमा सक्रियता देखाउने समय रहेको छ । मन भावुकता र आनन्दप्राप्तिका लागिसमेत आकर्षित बन्नसक्छ ।

कन्या (टो, प, पि, पु, ष, ण, ठ, पे, पो) –
कुनै समस्या छ भने अभिभावकसँग प्रष्टसँग राख्ने प्रयास गर्नुहोला । आवेगहरूमा नियन्त्रण गर्न नसक्नाले निराशा र खिन्नताको अनुभूति हुनसक्छ । आफ्ना लागि समय प्रदान गर्नु र चिन्तन गरी वर्तमान समस्याको हल गर्ने प्रयास गर्नु उपयोगी हुनेछ । बाध्यात्मक घरायसी काममा खट्नुपर्ने हुँदा कार्यक्षेत्रमा प्रभाव पर्नसक्छ । श्रम गरेबमोजिमनै कार्यालयको काम सम्पादन हुनेछ ।

तुला (र, रि, रु, रे, रो, ता, ति, तु, ते) –
सञ्चारमाध्यमबाट खुसी हुने समाचार प्राप्त हुनेछ । मन एकतमासको बनिदिनाले बुद्धि र विवेकको सही प्रयोग गर्न सकिंदैन । कामप्रतिको समर्पण भावका माध्यमबाट ठूलो लाभ मिल्ने समय छ, साथै बोली र व्यवहारका बलमा सेवाग्राहीलाई आकर्षित तुल्याउन सकिने छ । साथीभाइ र इष्टमित्रसँग हाँसखेल र कुराकानी गर्ने दिन हो । कुनै सामाजिक वा परोपकारी काममा दिलजस्पी जाग्नेछ ।

बृश्चिक (तो, ना, नि, नु, ने, नो, या, यि, यु) –
सञ्चार वा नेटवर्किङका विभिन्न माध्यमले अल्मल्याउन सक्छन् । पराईसँग व्यवहार गर्दा शब्दहरूको चयन र प्रस्तुतिमा ध्यान दिनुहोला । धनको सहजता देखिए पनि खर्च गर्दा ध्यान पुर्याएर चल्नुपर्ने समय छ । आनन्द र प्रसन्नताका साथमा नै नियमित काम सम्पन्न हुनेछन् । आयको नयाँ स्रोत फेला पर्नुका साथै कमाएको धन सञ्चित गर्न सकिने छ । मनले चाहेको व्यक्तिबाट कुनै नौलो कुरा सुन्न पाउँदा अझ हर्षित हुने वा कुनै उपहार प्राप्त गरेर दङ्गपर्ने समय हो ।

धनु (ये, यो, भ, भि, भु, ध, फा, ढ, भे) –
विपरीत परिस्थिति भए पनि कामलाई कुशलतापूर्वक झेल्नसक्ने सार्मथ्यको विकास गर्न सकिने छ । पेसागत उन्नतिका लागि गरेको प्रयास सार्थक बन्नेछ । मानसिक शान्तिको आभास हुनुका साथै जीवनसाथिले तपाईँको भावना बुझ्नेछन् । कतै एकान्तमा बसेर भावना साटासाट गर्न र रमाउन पाइने छ । व्यवहारिक र लचिलो हुने प्रयास गर्नु राम्रो हुन्छ ।

मकर (भो, ज, जि, खि, खु, खे, खो, गा, गि) –
हिसाबकिताब र लेनदेनमा सतर्कता अपनाउनु होला । नयाँ ठाउँमा लगानी गर्ने सोच बनाउनु भएको छ भने सोचेर कदम चाल्नुहोला । व्यस्तता र दौडधूपमा समय बित्नेछ । चोरीको डर भएकाले तालसाँचो र राखनधरनमा पनि सावधानी र सतर्कता अपनाउनु होला ।

कुम्भ (गु, गे, गो, सा, सि, सु, से, सो, द) –
थालेको काम बीचमा नै अवरुद्ध भएको छ भने फेरि पनि प्रयास गर्ने समय हो । व्यवहारिक चिन्ता बढ्ने दिन हो । जीवनसाथीसँग कतै घुमघाममा जाने वा किनमेलमा निस्कने योजना बन्नसक्छ । परीक्षा, प्रतियोगिता वा अन्तर्वार्ता छ भने प्रतियोगी बलिया छन् भन्ने बुझी अझ धेरै मिहिनेत र प्रयास गर्नुपर्ने दिन हो ।

मीन (दि, दु, थ, झ, ञ, दे, दो, च, चि) –
कुनै ठूलो उपहार प्राप्त गर्ने योग रहेको छ । आलस्य त्यागेर मिहेनत गरेमा राम्रो उपलब्धि हासिल हुने दिन हो । व्यक्तित्व विकासका लागि प्रयास गर्ने समय हो । जीवनसाथिका तर्फबाट कुनै खुसी हुने कुरा सुन्न पाइने छ । कार्यक्षेत्र वा बन्दव्यापारमा राम्रो दिन रहेको छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७–९८४२२१९७३५