फागुन ८ गते बिहीबारको तपाईँको राशिफल

काठमाडौं । आज मिति २०८१ साल फागुन महिनाको ८ गते बिहीबार ।

तदनुसार २०२५ फेब्रुअरी २० तारिख । नेपाल सम्बत ११४५ । आज सूर्योदय बिहान ६ः३६ बजे हुनेछ भने सूर्यास्त साँझ ५ः५८ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
मनमा कुनै नवीन कार्य गर्ने भावना जागृत हुनेछ । मनमा अनावश्यक शङ्का र भ्रमको निवास हुने तथा कलहको योग बनेको छ । आफैंभित्रका शत्रुलाई चिनेर व्यवहार गर्नु राम्रो हुन्छ । करियर वा कामधाममा कुनै किसिमको बाधा देखिएको छ भने तनाव लिनुको सट्टा कामको गुणस्तर सुधारका लागि प्रयास गर्नुहोला ।

बृष (इ, उ, ए, ओ, बा, बि, बु, बे, बो) –
आन्तरिक तिर्सनाको परिपुर्ति हुने दिन हो । पतिपत्निका बीचमा समझदारी बढ्नेछ । कला, सहित्य र अभिनयका क्षेत्रमा रुचि बढ्ने दिन हो । बाह्य विषयवस्तुमा भन्दा पनि निर्धारित पाठ्याक्रममा ध्यानकेन्द्रित गर्नुपर्ने समय हो । रामरमाइलो र रमझमप्रति मनको अकर्षण रहने सुन्दर दिन छ । विवाहयोग्य उमेर छ र अविवाहीत हुनुहुन्छ भने कुनै व्यक्तिप्रति विशेष आकर्षणसमेत बढ्न सक्छ ।

मिथुन (का, कि, कु, घ, ङ, छ, के, को, ह) –
स्वार्थका लागि सम्बन्ध गाँस्ने र आफ्नो काम फुत्काउनेहरुसँग सतर्क रहनुहोला । विवादास्पद जिम्मेवारी वहन गर्नुपर्ने हुनसक्छ । एकान्तमा बस्न पाउने तथा दुःखसुख सेयर गरी आत्मिक आनन्दमा रमाउने दिन रहेको छ । सज्जन, विद्वान् र भद्रभलादमीको सङ्गत हुने राम्रो दिन हो । आज न्यायसम्पादन, प्रशासनिक क्षेत्र र राजनैतिक वृत्तका काम अघि सार्न उचित समय रहेको छ ।

कर्कट (हि, हु, हे, हो, डा, डि, डु, डे, डो) –
आत्मविश्वासमा बृद्धि हुनाले थप सफलता प्राप्त हुनेछ । शिक्षाक्षेत्र, आर्थिक कारोबार, सुनचाँदी जस्ता गहनागुरियाका व्यापारीका लागि राम्रो दिन रहेको छ । मन कल्पना र भावनामा अलमलिन सक्छ । हरेक समय आत्मिक आनन्द र मानसिक शान्तिका लागि प्रयास गर्ने समय हो । लगनशीलता र परिश्रमको प्रतिफल पाउने समय हो । परिक्षा वा प्रतियोगितामा सरिक हुँदै हुनुहुन्छ भने अझ धेरै मिहेनत गर्नुपर्ने देखिन्छ ।

सिंह (मा, मि, मु, मे, मो, टा, टि, टु, टे) –

कार्यक्षेत्र र पारिवारिक समस्यालाई सन्तुलनमा राख्ने प्रयास गर्नुहोला । दूरदराजको यात्रा वा वैदेशिक प्रयोजनको कामका लागि प्रयास गर्न अनुकूल समय देखिन्छ । मनोरञ्जन र खेलवाडले लक्ष्यप्राप्तिमा कठिनाइ उत्पन्न गर्नेछ । आफ्ना विषयवस्तुमा अरुले अधिकार जमाउन सक्छन् । प्रगतिका निमित्त सचेत र संयम हुनु ठीक होला ।

कन्या (टो, प, पि, पु, ष, ण, ठ, पे, पो) –
सामाजिक क्षेत्र वा फाल्तु बिषयमा केन्द्रित हुँदा कार्यक्षेत्र प्रभावित बन्नसक्छ । कूटनीतिक बुद्धिको उपयोग गर्दा हाँकेताकेको काममा सफल भइने छ । इष्टमित्र र नातेदारसँग भेटघाट हुनेछ । पारिवारिक सुखको पूर्ण अनुभूति हुने दिन हो । तपाईंको इच्छाको कदर हुने समय छ । हरेक क्रियाकलापमा जीवनसाथी, सन्तान र मित्रवर्गको साथरसहयोग प्राप्त हुनेछ ।

तुला (र, रि, रु, रे, रो, ता, ति, तु, ते) –
कुरा काट्ने र खिसीट्युरी गर्नेको कमी हुनेछैन । घरपरिवारका सदस्यहरूसँग सुमधुर सम्बन्ध कायम हुनेछ । परीक्षा वा प्रतियोगिताका दृष्टिकोणले अनुकूल दिन हो । कुनै नौलो विषयको जानकारी लिएमा भविष्यमा राम्रो उपलब्धि लिन सकिने छ । अचानक कुनै मित्रसँग भेटघाट हुने अथवा कुनै नयाँ अवसरको उपयोग गर्ने दिन रहेको छ ।

बृश्चिक (तो, ना, नि, नु, ने, नो, या, यि, यु) –
कुनै व्यक्तिगत समस्या छ भने जीवनसाथिलाई बताएमा सही निकास पाउन सकिनेछ । गम्भिर स्वभागको उदय हुनेछ । आजको दिन एक्लै बस्न वा रमाउन तर्फ मन आकर्षित हुनेछ । कार्यस्थल र घरपरिवारमा खुसी र उमङ्गको वातारवरण रहेको छ । आर्थिक मन्दी चल्दैछ भने नयाँ रणनीति कार्यान्वयन गर्दा सफलता पाइनेछ ।

धनु (ये, यो, भ, भि, भु, ध, फा, ढ, भे) –
सामान्य गल्तिले पनि ठूलो नोक्सानी व्यहोर्नुे परिस्थिति बन्नेछ । लगानी गर्दा जोखिम र संकटका बारेमा चिन्तन गर्नुहोला । व्यवसाय तर्फ मार्केटिङ, यातायात व्यवसायी र ढुवानीको क्षेत्रमा लाभ लिन सकिनेछ । पतिपत्नि बिचको तालमेलमा केही कमी देखिने छ । आफ्ना हरेक व्यवहारमा ठूलाबडाको मर्यादा र सम्मानप्रति सचेतता अपनाउनु आवश्यक देखिन्छ ।

मकर (भो, ज, जि, खि, खु, खे, खो, गा, गि) –
लक्ष्यप्रति केन्द्रित भएर लागी परेमा ठूलो सफलता पाउने दिन हो । नयाँ योजना कार्यान्वयन गर्नका लागि उचित समय रहेको छ । यद्यपी, मतियारका बीचमा छलफल गर्ने र प्रशासनिक तौरतरिका बुझ्ने समय हो । पदोन्नति हुने वा बिशेष जिम्मेवारी पाउन सकिने छ । कामविशेषले कतै काजमा जाने वा देश÷विदेशको यात्रामा निस्कने संयोग जुर्नेछ ।

कुम्भ (गु, गे, गो, सा, सि, सु, से, सो, द) –
कुनै नयाँ विषयवस्तु वा प्राविधिक ज्ञानले आकर्षण गरेको समय छ । परिश्रम गर्ने छात्रछात्राले उत्कृष्ट परिणाम प्राप्त गर्नेछन् । व्यक्तिगत प्रतिष्ठा र वर्चस्व स्थापना गर्न सकिने राम्रो हो । राजनीति वा समाजसेवा नै तपाईंको कार्यक्षेत्र हो भने पदप्रतिष्ठा र सम्मानले तपाईंको प्रतीक्षा गरिरहेको परिस्थिति देखिन्छ । हाकिमको सद्भाव र सहानुभूति प्राप्त हुनाले महत्वकाँक्षी काम सुरु गर्न सकिने छ ।

मीन (दि, दु, थ, झ, ञ, दे, दो, च, चि) –
सामाजिक काममा दौडधुप हुनसक्छ । सेवाभावना र धार्मिक स्वभावको उदय हुनेछ । आफ्नो कामप्रतिको लगनशीलताका कारण कारोबारमा कुनै प्रभाव पर्नेछैन । फूर्तिका साथ जिम्मेबारी र दायित्व पूरा गर्ने दिन हो । सहयोगी र मिलनसार स्वभावको विकास हुनेछ । मान्यजनबाट प्रशंसा र सहानुभूति बटुल्न सक्नुहुन्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७–९८४२२१९७३५