माघ २१ गते सोमबारको तपाईँको राशिफल

काठमाडौं । आज मिति २०८१ साल माघ महिनाको २१ गते सोमबार ।

तदनुसार २०२५ फेब्रुअरी ३ तारिख । नेपाल सम्बत ११४५ । आज सूर्योदय बिहान ६ः४९ बजे हुनेछ भने सूर्यास्त साँझ ५ः४६ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ)
हिसाबकिताब र लेनदेनमा सतर्कता अपनाउनु होला । चोरीको डर रहेकाले धनमालको सुरक्षाका लागि सतर्कता अपनाउनु उचित होला । घरबाहिर निस्कँदा बहुमूल्य गरगहना नलगाएको जाती होला । आज कार्यशैलीमा परिवर्तन गरी नयाँ कुरा सिक्ने इच्छा जाग्नेछ ।

बृष (इ, उ, ए, ओ, बा, बि, बु, बे, बो)
राजनीति र समाजसेवा नै कार्यक्षेत्र हो भने नेतृत्वदायी भूमिका वहन गर्नुपर्ने देखिन्छ । विगतमा गरिएको मिहेनत र लगनशीलताको पुरस्कार प्राप्त हुने दिन रहेको छ । बोनस र अतिरित्त आम्दानीको सम्भावना पनि रहेको छ । व्यक्तिगत खुसी, आनन्द र मोजमस्तीका लागि केही समय छुट्याएको राम्रो होला ।

मिथुन (का, कि, कु, घ, ङ, छ, के, को, ह)
प्रेम सम्बन्धका निमित्त निकै राम्रो समय रहेको छ । एक्लै बस्नुहुन्छ भने घरपरिवारमा सम्पर्क राखी भावना साटासाट गरेको जाती होला । आत्मविश्वास र दृढतामा बृद्धि हुनुका साथै मज्जाले परिश्रम गर्ने दिन रहेको छ । घरपरिवारले आफ्ना समस्या बुझ्ने तथा मन प्रसन्न रहनेछ ।

कर्कट (हि, हु, हे, हो, डा, डि, डु, डे, डो)
भाग्यको बलियो साथ पाउनाले प्रतिष्पर्धामा सफलता र स्याबासी मिल्नेछ । भविष्य सुध्रनुका साथै ठोस आम्दानी समेत हासिल हुनसक्छ । नचिताएको उपलब्धि हात पर्ने योग रहेको छ । बुद्धिकौशलको प्रयोग गरि गरेको कामबाट फाइदा मिल्नेछ ।

सिंह (मा, मि, मु, मे, मो, टा, टि, टु, टे)
ससाना कुरामा मन आत्तिने दिन छ । समय र परिस्थिति अनुकुल भएपनि बाध्यतामा खुम्चिनु पर्दा इच्छा पूरा हुन सक्दैन । कार्यक्षेत्रमा सफलता मिल्नुका साथै सीप र प्रविधिको प्रयोग गरेमा प्रतिष्ठा कमाउन सकिनेछ । अस्वस्थ हुनुहुन्छ भने समय निकालेर आराम गर्नु ठिक हुन्छ ।

कन्या (टो, प, पि, पु, ष, ण, ठ, पे, पो)
शारीरिक कमजोरी र मानसिक खिन्नता बढ्नाले लक्ष्यप्रति अग्रसर हुन बाधा पुग्नसक्छ । कला क्षेत्र र मनोरञ्जनका सामाग्रीको व्यापारबाट मनग्य आम्दानी गर्न सकिन्छ । हरेक कामधन्दा र व्यवहारमा सरलताको अनुभूति हुनेछ । जीवनसाथिलाई फकाएर कुनै काम निकाल्नु छ भने प्रयास गर्नुहोला ।

तुला (र, रि, रु, रे, रो, ता, ति, तु, ते)
प्रतिष्ठा प्राप्तीका लागि प्रतिष्पर्धा गर्ने उचित समय छ । चिन्तनमननमा निर्लिप्त हुने परिस्थिति बन्नेछ । कुनै कुनै बिषयमा बेकारको तर्क वा बहस हुनसक्ने दिन रहेको छ । कुनै विशेष काम गर्नुछ भने तौरतरिका र योजनालाई गोप्य राख्ने प्रयास गर्नुहोला । आपसी समन्वय र तालमेलका लागि कुनै कुरालाई त्याग्नसमेत सक्नुपर्छ । बेकारका कुरामा आफ्नो जिद्दीपना प्रस्तुत गर्नाले अन्त्यमा निराशा र खिन्नता बढ्नसक्छ ।

बृश्चिक (तो, ना, नि, नु, ने, नो, या, यि, यु)
बुद्धिकौशल र समझदारीले व्यवस्थापन पक्षमा देखिएको कमजोरी हटाउन सकिने छ । पारिवारिक वातावरण सुखमय रहनुका साथै पतिपत्नीका बीचमा राम्रो समझदारी कायम हुनेछ । छोराछोरीको खुसीका निमित्त केही काम लुकाएर गर्नुपर्ने हुन्छ । परीक्षा, प्रतियोगिता वा अन्तर्वार्ता आदिको तयारीमा हुनुहुन्छ भने अझ कस्सिएर प्रयास गर्नुहोला । मिहेनत अनुसारको नतिजा निकाल्न सकिने छ ।

धनु (ये, यो, भ, भि, भु, ध, फा, ढ, भे)
बुढाबुढी वा पाहुनाको सेवा र हेरचाहमा खट्नुपर्ने दिन रहेको छ । घुमघाम वा मनोरञ्जनका लागि केही रकमको खाँचो पर्नसक्छ । घोरिएर बस्नुभन्दा अभिभावकसमक्ष आफ्ना कुरा राखी निकास खोज्नु राम्रो होला । आपसी तालमेल र पारिवारिक सम्बन्धलाई हरसम्भव सुदृढ बनाउन प्रयास गर्नुहोला ।

मकर (भो, ज, जि, खि, खु, खे, खो, गा, गि)
कार्यक्षेत्रको कामविशेषले सहकर्मी वा आफुभन्दा तल्लो तहको कर्मचारीसँग विचारविमर्श हुनसक्छ । कामको चाप बढ्ने भएकाले परिस्थिति हेरी कार्य गर्ने प्रयास गर्नुहोला । आन्तरिक खूबी तथा क्षमताको सहज विकास हुने एवं कार्यशैलीमा गम्भीरता आउने दिन रहेको छ । बुद्धिकौशलको प्रयोग गर्दा धनार्जनको राम्रो अवसर मिल्नेछ ।

कुम्भ (गु, गे, गो, सा, सि, सु, से, सो, द)
व्यक्तित्व विकासका लागि राम्रो अवसर मिल्नेछ । नचिताएको वा बिर्सिएर बाँकी रहेको धन अचानक हातमा आइपुग्न सक्छ । आन्तरिक सम्बन्धका लागि निकै राम्रै दिन रहेको छ । कार्यक्षेत्रबाट राम्रो प्रतिफल प्राप्त हुने तथा देशपरदेशबाट शुभ समाचार सुन्न पाइने समय रहेको छ ।

मीन (दि, दु, थ, झ, ञ, दे, दो, च, चि)
दैनिक जीवन सहजताका साथमा बिते पनि कुनै कारणवश पतिपत्नीमा विचार नमिल्न सक्छ । आफूलाई कमजोर या नजान्ने नठान्नु होला । मिहेनत गर्दा नचिताएको सफलता हात पर्नसक्छ । निणर्यात्मक शक्ति र व्यवस्थापकिय कौशलताको प्रदर्शन गरि आफ्नो छुट्टै पहिचान स्थापना गर्न सकिने छ । दूरगामी भविष्यका योजनाहरूको मूल्याङ्कन गर्दै दृढ इच्छाशक्तिका साथमा काम गर्नुहोला ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५