माघ २० गते आइतबारको तपाईँको राशिफल

काठमाडौं । आज मिति २०८१ साल माघ महिनाको २० गते आइतबार ।

तदनुसार २०२५ फेब्रुअरी २ तारिख । नेपाल सम्बत ११४५ । आज सूर्योदय बिहान ६ः४९ बजे हुनेछ भने सूर्यास्त साँझ ५ः४५ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ)
परिबन्द वा बाध्यतामा धन खर्च हुने दिन रहेको छ । मानसम्मान र प्रतिष्ठामा पनि आघात पुग्नसक्छ । जोखिम मोलेर कुनैपनि काम नगर्नुहोला । वादविवाद वा झमेलाबाट सकभर पर बसेको राम्रो । जिम्मेवारी बढ्नाले व्यवहारिक काममा खट्नुपर्ने परिस्थिति बन्नेछ । सकेसम्म आपसी भेटघाट र भलाकुसारीलाई निरन्तरता दिनु उचित होला ।

बृष (इ, उ, ए, ओ, बा, बि, बु, बे, बो)
सानो प्रयासले घरायसी सुख र धनमाल जम्मा पार्न सकिने छ । जोखिम मोलेर गरेको कामबाट फाइदा मिल्नेछ । बुद्धि र विवेकको प्रयोग गरि विगतमा गुमाएका बिषयवस्तु पुनः प्राप्त गर्न सकिनेछ । जिम्मेवारीको भावना र कर्तव्यपालना देखेर सबैले तपाईँको प्रशंसा गर्नेछन् । परदेशमा रहेका आफन्तजन वा विछोडिएका पुराना साथिभाइसँग पुनर्मिलन हुने योग रहेको छ ।

मिथुन (का, कि, कु, घ, ङ, छ, के, को, ह)
कुनै परिक्षा वा प्रतिष्पर्धामा सहभागी हुँदै हुनुहुन्छ भने हिम्मतका साथ अघि बढ्नुहोला । कर्तव्यप्रति सचेत हुने वा जिम्मेवारी बोध हुने राम्रो दिन रहेको छ । सरकारी कामका माध्यमबाट लाभ लिन सकिने छ । समाजसेवा वा राजनीति नै कार्यक्षेत्र हो भने मानसम्मान पाउन सक्नुहुन्छ । दूरगामी योजनाको कार्यान्वयन गर्ने बिषयमा छलफल हुनसक्छ ।

कर्कट (हि, हु, हे, हो, डा, डि, डु, डे, डो)
पारिवारिक बाध्यता वा कुनै सामाजिक काममा व्यस्त भइनेछ । अचानक प्रेमि वा जीवनसाथिसँग भेटघाट हुँदा मन फुरुङ्ग बन्नेछ । सेवाभाव वा धार्मिक स्वभावको उदय हुनेछ । जग्गाजमिन, ढुवानी, निर्माण सामाग्री आदी व्यवसायमा हुनुहुन्छ भने निकै राम्रो दिन रहेको छ ।

सिंह (मा, मि, मु, मे, मो, टा, टि, टु, टे)
शरीर अस्वस्थ भएपनि काममा खट्नैपर्ने परिस्थिति बन्नसक्छ । किताब, मोबाइल, ल्यापटपजस्ता चिजहरुमा घोरिएर दिमाग भारी हुने समय रहेको छ । प्रिय मित्र वा परिवारका सदस्यहरुसँग सम्बन्धित भावनाले चिन्तित बनाउन सक्छ । जोखिम र संकट मोलेर गरेको कामको परिणाम लाभदायी हुनसक्छ ।

कन्या (टो, प, पि, पु, ष, ण, ठ, पे, पो)
कला वा अभिनय क्षेत्रको शिक्षार्थी हो भने सोचेको कुरा लिपिबद्ध गर्नुहोला, भविष्यमा काम लाग्नसक्छ । कार्यक्षेत्रमा उच्च सफलता मिल्नेछ । कल्पना र भावनामा केन्द्रित हुने तथा आत्मरतिमा भुलिने समय रहेको छ । पेसागत सफलताका लागि प्रयास गरिने छ । पारिवारिक जीवन, वैवाहिक सुख र प्रेम जीवनका जिमित्त केही समय छुट्याउनु उचित होला ।

तुला (र, रि, रु, रे, रो, ता, ति, तु, ते)
सज्जन, विद्वान र भद्रभलादमीको सङ्गत हुने राम्रो दिन रहेको छ । न्यायसम्पादन, प्रशासनिक क्षेत्र र राजनैतिक वृत्तका काम अघि सार्न अनुकूल समय रहेको छ । खेलकुद, उपहार सामाग्री, स्वास्थ्य र सरसफाइको व्यवसायमा राम्रै देखिन्छ । पतिपत्नीका बीचमा उचित तालमेल कायम हुनेछ, यद्यपी एकअर्काको भावनाको कदर गर्नु उचित होला ।

बृश्चिक (तो, ना, नि, नु, ने, नो, या, यि, यु)
बौद्धिक क्षमता र सीप बढाउने प्रयत्न गर्नुपर्ने देखिन्छ । चुनोतिपूर्ण काममा सफलता मिल्नेछ । परिक्षा र प्रतिष्पर्धामा विजय प्राप्त हुने दिन रहेको छ । बुद्धिकौशलको प्रयोग गरी सफलता कमाउने सकिने छ । समस्यामुलक कुनै काम छन् भने आफुभन्दा माथिल्लो तहको कर्मचारीको सल्लाह लिएर मात्रै अघि बढ्नु उचित होला ।

धनु (ये, यो, भ, भि, भु, ध, फा, ढ, भे)
कार्यालयको काममा खासै परिश्रम गर्नुपर्दैन । घरपरिवारका सदस्य, नातागोता वा आफन्तको भावनालाई समेट्न सकेमा मात्र थप सन्तुष्टि मिल्नेछ । जीवनसाथि र घरपरिवारका लागि समय व्यवस्थापन गर्न सके राम्रो होला । अपेक्षित माया, विश्वास एवं समझदारी कायम रहनेछ । आमाको स्वास्थ्यमा समस्या देखिँदा चिन्ता बढ्ने देखिन्छ ।

मकर (भो, ज, जि, खि, खु, खे, खो, गा, गि)
रासायनिक वस्तुहरू, पेट्रोलियम पदार्थ, रङ र पेन्टिङको कारोबार छ भने बढी लाभ लिन सकिने छ । दाम्पत्य जीवनमा नयाँ आयाम थपिने छन् । पुराना साथीभाइ र सहयोगीहरूसँग अप्रत्यासित भेटघाट हुनसक्छ । मिहेनतले राम्रो नतिजा दिने समय रहेको छ ।

कुम्भ (गु, गे, गो, सा, सि, सु, से, सो, द)
अचानक कुनै यात्राको योजना बन्नसक्छ । मन फुरुङ्ग र हलुका भएको आभाष हुनेछ । कुनै कुनै बेला अरु दिनको भन्दा केही कठोर भएको भान होला । प्रसिद्धि र मानसम्मानमा बृद्धि हुनेछ । गुरुजन, विद्वान एवं अनुभवी व्यक्तिहरूका साथमा घुलमिल हुन र सङ्गत गर्न पाइने छ ।

मीन (दि, दु, थ, झ, ञ, दे, दो, च, चि)
व्यक्तित्व विकासका लागि प्रयास गर्ने उत्तम समय रहेको छ । घरायसी सुखसुविधा, अचल सम्पत्ति र वाहनसुखका बारेमा समेत ध्यानकेन्द्रित हुनसक्छ । जीवनसाथिको इच्छा र भावना बुझ्न सकेमा उत्साह बढ्नेछ । एक्लै बस्ने वा घरभित्रै रमाउन मन लाग्नेछ । पारिवारिक जीवनमा उतारचढाव देखिन्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५