राशिफल अनुसार कस्तो रहला तपाईँको आजको दिन ?

काठमाडौं । आज मिति २०८१ साल माघ महिनाको १६ गते बुधबार ।

तदनुसार २०२५ जनवरी २९, नेपाल सम्बत ११४५ । आज सूर्योदय बिहान ६ः५१ बजे हुनेछ भने सूर्यास्त साँझ ५ः४२ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
कामधन्दामा मज्जाले खट्नुपर्ने दिन रहेको छ । जीवनसाथिले आफ्नो विवशता नबुझिदिँदा दिक्क लाग्नसक्छ । भाग्य भरोसामा रहने होइन, स्वयं आफूलाई विश्वास गर्ने समय रहेको छ । परीक्षाको तयारी गर्दै हुनुहुन्छ भने उत्तम परिणाम प्राप्त हुनेछ । प्रतियोगिता वा प्रतिष्पर्धामा सफल भइने दिन रहेको छ ।

बृष (इ, उ, ए, ओ, बा, बि, बु, बे, बो) –
अचानक खुसी हुने कुनै समाचार सुन्न पाइने छ । कामविशेषले परदेशको यात्रा हुने वा घर छाड्नुपर्ने परिस्थिति बन्नसक्छ । भावनालाई नियन्त्रण गरी कुराकानी गर्ने र जीवनसाथिलाई फकाउने प्रयास गर्नुहोला । बौद्धिक र ज्ञानमूलक विषयमा रुचि बढ्ने एवं शुभचिन्तकहरूको साथ पाइने राम्रो दिन रहेको छ ।

मिथुन (का, कि, कु, घ, ङ, छ, के, को, ह) –
लेनदेनका क्रममा दबाबमा हुनुहुन्छ भने पनि समझौता नगर्नुहोला । समय बित्दै जाँदा दैनिकीमा सुधार आउने छ । चिन्ता र डरले जरो गाड्नेछ । एकान्तमा बस्नु वा आध्यात्मिक गतिविधिमा सहभागिता जनाउनु राम्रो होला ।

कर्कट (हि, हु, हे, हो, डा, डि, डु, डे, डो) –
पुराना साथीभाइसँग भेटघाटको कार्यक्रम बन्नसक्छ । घरपरिवारका भावना र इच्छाहरूको ख्याल राख्नु ठीक होला । काममा भन्दा पनि मन आनन्दप्राप्तिका निमित्त आकर्षित हुनेछ । जीवनसाथिका लागि समय छुट्याउन अप्ठ्यारो पर्नसक्छ । मनोरञ्जन र घुमघामको मेसो मिल्न सक्छ ।

सिंह (मा, मि, मु, मे, मो, टा, टि, टु, टे) –
गरेको मिहेनतले सार्थक परिणाम प्राप्त हुनेछ । हडबड र शीघ्रतामा कुनै काम नगर्नुहोला, समस्या पर्नसक्छ । घमण्ड र जिद्दीपना त्याग्नसकेमा तर्क र बहसमा विजय प्राप्त हुनेछ । विवाद र उल्झनमा नफस्नुहोला, अन्यथा कलहको वातावरण बन्नसक्छ । आयका दृष्टिले भने थप धनार्जन गर्न सकिने समय रहेको छ ।

कन्या (टो, प, पि, पु, ष, ण, ठ, पे, पो) –
नयाँ कामको प्रास्ताव आउनुका साथै बुद्धिको प्रयोग गरेमा लाभसमेत पाइने छ । प्रेमभाव, शान्त वातावरण, खुसी र सद्भाव कायम रहने राम्रो दिन छ । नातेदार वा छोराछोरीका तर्फबाट थप प्रसन्नता पाउन सक्नुहुन्छ । अरु दिनको भन्दा धेरै मिहेनत गर्नुपर्ने देखिन्छ । आजको प्रयासले भविष्यका लागि विशेष अवसर प्राप्त हुनसक्छ ।

तुला (र, रि, रु, रे, रो, ता, ति, तु, ते) –
घरिघरि मन अशान्त हुने भएकाले सकभर एक्लै नबस्नुहोला । आँटेको काममा ध्यानकेन्द्रित गर्नाले केही फाइदा हुनसक्छ । विश्वासपात्रले नै गोपनीयता भंग गर्ने प्रयास गर्नेछन् । व्यक्तिगत जीवनका बारेमा आवश्यक्ता भन्दा बढी नखुल्नुहोला । ज्ञान र क्षमता बढाउन उत्सुक भइने छ ।

बृश्चिक (तो, ना, नि, नु, ने, नो, या, यि, यु) –
घरपरिवारभित्र कसैको पेसागत वा व्यवसायिक उन्नतिको समाचार सुन्न पाइने छ । पारिवारिक जमघट वा भोजभतेरमा सहभागी बन्नुपर्ने हुनसक्छ । विद्वान् व्यक्तिका साथमा निकटता बढ्ने समय रहेको छ । पेसा वा कार्यक्षेत्रप्रतिको व्यवहारिक दृष्टिकोणले तपाईलाई आर्थिक रूपमा समृद्ध बन्न मद्दत गर्नेछ । धार्मिक वा सामाजिक गतिविधिमा सक्रिय हुँदा वा दुःखमा परेका व्यक्तिको सहयोग गर्न पाउँदा भाग्यबृद्धि हुनेछ ।

धनु (ये, यो, भ, भि, भु, ध, फा, ढ, भे) –
अभिव्यक्ति कौशलमा निखार आउने छ । अध्ययनप्रतिको लगावले व्यक्तित्व विकासको अवसर मिल्नसक्छ । मानसम्मान, इज्जत र प्रतिष्ठा बढ्नेछ तरपनि भौतिक सुख र आनन्दको चिन्ताले भने सताउन सक्छ । कार्यक्षमताको प्रदर्शन गर्दै धन, मान र प्रतिष्ठा कमाउन सकिनेछ । नयाँ प्रविधि वा सामाजिक सञ्जालको प्रयोग गरेमासमेत फाइदा लिन सकिने छ ।

मकर (भो, ज, जि, खि, खु, खे, खो, गा, गि) –
आफ्नो इच्छानुरूप कार्य गर्न पाउँदा मन प्रसन्न रहनेछ । आयको मार्गहरु सबल भइने छ । बोली र व्यवहारमा निकै सतर्कता अपनाउनु होला । थप हौसाला जाग्नुका साथै केही नयाँ गर्ने प्रयास हुनेछ । हिसाबकिताबमा देखिएको कमजोरी र त्रुटि सच्याएर अघि बढेमा अझ धेरै फाइदा लिन सकिने छ ।

कुम्भ (गु, गे, गो, सा, सि, सु, से, सो, द) –
कार्यक्षेत्रमा व्यस्त रहनाले आपसी समन्वय र भेटघाटको असहजता हुने तथा मन पिरोलिने दिन रहेको छ । मन हतास र भावुक बन्नसक्छ । प्रियजनसँग भेटघाट हुनेछ अथवा आश मारेको वस्तु वा धन हात पार्न सकिने छ । सानोतिनो यात्रामा जानुपर्दा व्यापारमा ध्यानकेन्द्रित हुनसक्दैन । दण्ड वा जरिवानामा पर्न सकिने वा कुनै कानूनी बाधाअड्चन व्यहोर्नुपर्ने हुन्छ ।

मीन (दि, दु, थ, झ, ञ, दे, दो, च, चि) –
तपाईंको परिश्रमको प्रशंसा हुने वा कमजोरीको विश्लेषण गर्दै सुझाव प्राप्त हुने समय छ । व्यक्तित्व विकास तथा भौतिक सुखसुविधा जुटाउने सिलसिलामा नयाँ विचार र भावनाको उदय हुनसक्छ । लक्ष्यप्रति गम्भीर भएमा हरेक काममा सफलता मिल्नेछ । लाभमूलक विषयमा लगानी गरेमा भविष्य सुध्रने छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५