काठमाडौं । यहि माघ १८ गते हुने पशु स्वास्थ्य तथा पशु सेवा व्यवसायी परिषद्को ‘ऐतिहासिक प्रथम निर्वाचन २०८१’ को सरगर्मि बढेको छ ।
विभिन्न पदका उम्मेदवारहरु आफ्नो जीत सुनिश्चित गर्न दौडधुपमा छन् । यस्तैमा नेपाल पारा भेटेरिनरी एण्ड लाइभस्टक एशोसिएसन (नेभ्ला) का संस्थापक एवं पूर्वअध्यक्ष समेत रहेका लोकराज भुसाल समेत चुनावी प्रतिष्पर्धामा होमिएका छन् ।
उपाध्यक्ष पदमा उम्मेदवारी दिएर चुनावी मैदानमा होमिएका भुसालले परिषद्मा आवद्ध सबै प्राविधिक पेशाकर्मीहरुको हित, क्षमता विकास र पेशागत मर्यादालाई उच्च राख्दै नेपालका पशुपन्छि र मत्स्य क्षेत्रको विकासका लागि समर्पित रहने प्रतिबद्धता समेत व्यक्त गरेका छन् ।
यस्ता छन् उपाध्यक्ष पदका उम्मेदवार भुसालका चुनावी एजेण्डा
१.पेशागत मर्यादा, दक्षता र सामाजिक सुरक्षाको सुनिश्चितता,
२. पशुपन्छी तथा मत्स्य क्षेत्रको दिगो विकास र आर्थिक समृद्धि,
३. प्राविधिक क्षमता विकासमार्फत गुणस्तरीय र जवाफदेही सेवा प्रवाह,
४. सरोकारवालाबीच सहयोग र सहकार्यद्वारा मैत्रीपूर्ण वातावरणको सिर्जना,
५. काउन्सिललाई अन्तर्राष्ट्रिय मञ्च मान्यताको निम्ती
उपाध्यक्ष पदका उम्मेदवार भुसाल नेभ्लामा २०४७ सालदेखि निरन्तर नेतृत्वदायी भूमिका निर्वाह गर्दै आइरहेको छन् । हाल उनी नेभ्लाको सल्लाहकार समेत हुन् ।
पेशाकर्मीहरुको ३५ बर्षको निरन्तर प्रयास र योगदानबाट पशु स्वास्थ्य तथा पशु सेवा व्यवसाय परिषद् ऐन लागू भएको र सोही ऐनका आधारमा परिषद् गठन भई यसको प्रभावकारी कार्यान्वयनका लागि तदर्थ समितिमा सदस्यको रुपमा आफुले महत्वपूर्ण जिम्मेवारी निर्वाह गरेको भुसालको दाबी छ ।
साथै पशुसेवा क्षेत्रको समग्र विकास र समृद्धिको उद्देश्य पूरा गर्ने यात्रामा आफू सँधै तत्पर रहेको पनि उनले उल्लेख गरेका छन् ।
प्रतिक्रिया