राशिफल अनुसार तपाईँको आजको दिन कस्तो छ ?

काठमाडौं । आज मिति २०८१ साल माघ महिनाको १३ गते आइतबार ।

तदनुसार २०२५ जनवरी २६, नेपाल सम्बत ११४५ । आज सूर्योदय बिहान ६ः५५ बजे हुनेछ भने सूर्यास्त साँझ ५ः३९ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
मान्यजन र वरिष्ठ व्यक्तित्वसँग निकटता बढ्नेछ । कामप्रतिको समर्पणले प्रतिष्ठामा बृद्धि हुनेछ । दीनदुःखी, रोगी र पाको व्यक्तिलाई सहयोग गर्न पाउँदा एउटा छुट्टै आनन्दको आभास हुनेछ । अचानक परिस्थिति फेरिएर इच्छाएको जिम्मेबारी प्राप्त हुनेछ । वैकल्पिक आम्दानीका निमित्त कुनै नयाँ कारोबारप्रति आकर्षण देखाएमा समेत लाभ पाउन सकिने छ ।

बृष (इ, उ, ए, ओ, बा, बि, बु, बे, बो) –
प्रतिष्ठा र मानसम्मानमा अभिबृद्धि हुनेछ । कुनै धार्मिक एवं ऐतिहासिक महत्वको क्षेत्रमा भ्रमण हुनसक्छ । शरीरमा चोटपटक लाग्न सक्ने सम्भावना रहेकाले सचेत हुनुहोला । कुनै नयाँ काम गर्दै हुनुहुन्छ भने कानूनी पाटो ख्याल गर्नुहोला । परिवारका सदस्य र आफन्तको गतिविधिसमेत सन्तोषजनक नहुँदा खिन्नता बढ्ने परिस्थिति छ ।

मिथुन (का, कि, कु, घ, ङ, छ, के, को, ह) –
आफ्नो खूबी, क्षमता र आन्तरिक प्रतिभालाई बाहिर निकालेर प्रतिष्ठा कमाउन सकिने छ । सरल व्यवहारको प्रदर्शन गर्दा लाभ हुनेछ । मन उत्सुक र आशावादी बन्ने दिन रहेको छ । कुनै महत्वपूर्ण निर्णय लिँदा ढुक्क भएर लिनुहोला । आजको निर्णयले भाग्यको ढोका खुल्न सक्छ । पारिवारिक जीवन र प्रेम जीवनका निमित्त केही समय छुट्याउनु पर्ने दिन हो ।

कर्कट (हि, हु, हे, हो, डा, डि, डु, डे, डो) –
बेकारका कुरामा आफ्नो जिद्दीपना प्रस्तुत गर्नाले अन्त्यमा निराशा र खिन्नता बढ्नसक्छ । व्यक्तित्व विकासका निमित्त राम्रो अवसर प्राप्त हुनेछ । तोकिएको काम समयमै सम्पादन गर्न सकिने र थप आयआर्जनका लागि मन उत्सुक हुने समय रहेको छ । कानुनी वा लगानी सम्बन्धी जटिलता देखा पर्नेछ । काम गर्ने तौरतरिका र व्यवस्थापन पक्षमा पनि सुधार ल्याउनु आवश्यक देखिन्छ ।

सिंह (मा, मि, मु, मे, मो, टा, टि, टु, टे) –
आफूले चिताएको काम सम्पन्न हुनेछ । सीपमूलक शिक्षा र प्राविधिक विषयमा आफ्नो क्षमता प्रदर्शन गर्ने समय रहेको छ । परिश्रमी र लगनशील भएमा मात्र भाग्यले समेत साथ दिनेछ । कसैप्रति अलि बढी आकर्षित हुनपुगेको भान हुनेछ, तर यतिवेला आफ्ना विचार र भावनामाथि नियन्त्रण गर्नु समुचित हुनेछ ।

कन्या (टो, प, पि, पु, ष, ण, ठ, पे, पो) –
गुरुजनको मार्गदर्शन अवलम्बन गर्दा अनुभवलाई तिखार्ने अवसर मिल्नेछ । प्रतिद्वन्द्वी वा प्रतिपक्षले हानि पुर्याउने योजना बनाउन सक्छन्, सचेत हुनुहोला । गोप्य कुरा बाहिरिनाले समस्यामा पर्न सकिनेछ । समझदारीले हरेक समस्या समाधान गर्न सकिने छ । परिवारका सदस्य, नातागोता वा आफन्तको भावनालाई समेट्न सकेमात्रै थप सन्तुष्टि मिल्नेछ ।

तुला (र, रि, रु, रे, रो, ता, ति, तु, ते) –
मन अशान्त रहनाले बुद्धि र विवेकको समेत सही प्रयोग गर्न सकिँदैन् । कतिपय आर्थिक समस्या सञ्चारसम्पर्कबाट नै हल गर्न सकिने छ । सञ्चार क्षेत्र, वित्तीय कारोवार, यातायात, ढुवानी र मार्केटिङको व्यवसायबाट विशेष लाभ लिन सकिनेछ । साथीभाइ र इष्टमित्रसँग रमाइलो गर्दै आजको दिन बित्नसक्छ । सामाजिक वा परोपकारी काममा दिलजस्पी जाग्ने देखिन्छ ।

बृश्चिक (तो, ना, नि, नु, ने, नो, या, यि, यु) –
आर्थिक पक्ष सुदृढ रहनुका साथै विभिन्न स्रोतबाट आम्दानीमा बृद्धि हुने देखिन्छ । कार्यक्षेत्रमा पनि बोली र कामको कदर हुनेछ । उपहार वा धन प्राप्त हुने योग रहेको छ । कुनै काम फुत्काउनु छ भने प्रयास गर्नुहोला । सामान्य कुरामा पनि तर्क वा बहस नगर्नु होला, अन्यथा झमेलामा फस्नसक्ने देखिन्छ ।

धनु (ये, यो, भ, भि, भु, ध, फा, ढ, भे) –
व्यक्तित्व विकासका लागि प्रयास गर्नु उचित होला । घरायसी सुखसुविधा, अचल सम्पत्ति र वाहनसुखका बारेमा समेत ध्यानकेन्द्रित हुनसक्छ । एकआपसमा अपेक्षित माया एवं समझदारी कायम रहनेछ । जीवनशैलीमा परिवर्तन गर्नसके प्रेमजीवनमा समेत यसको सकारात्मक प्रभाव पर्नेछ । व्यवहारिक र लचिलो हुने प्रयास गर्नु राम्रो होला ।

मकर (भो, ज, जि, खि, खु, खे, खो, गा, गि) –
आम्दानीमा उतारचढाव आउने देखिन्छ । सामान्य लापरवाहीले समेत दण्ड÷जरिवानामा पर्न सकिन्छ । जतिसक्दो आफ्नो कारोबारमा ध्यानकेन्द्रित गरेको जाती होला । तालासाँचो र राखनधरनमा समेत सावधानी र सतर्कता अपनाउनु होला । मानसिक शान्ति र विश्रामप्रति ध्यान दिनु उचित होला ।

कुम्भ (गु, गे, गो, सा, सि, सु, से, सो, द) –
सरकारी कामका माध्यमबाट धनार्जन गर्न सकिने योग रहेको छ । कुनै प्रतिष्ठान वा कार्यालयको बाँकीबक्यौता उठाउनु छ भने प्रयास गर्नुहोला । जीवनसाथीसँग कतै घुमघाममा जाने वा किनमेलमा निस्कने योजना बन्नसक्छ । परिक्षा दिएर नतिजाको प्रतिक्षामा हुनुहुन्छ भने आशाअनुरूप परिणाम प्राप्त हुनेछ । आशावादी बनेर लक्ष्यप्रति केन्द्रित भएमा आँटेको काम पूरा गर्न सजिलो हुनेछ ।

मीन (दि, दु, थ, झ, ञ, दे, दो, च, चि) –
पुरस्कार वा मानसम्मान पाउने योग रहेको छ । कुनै दूरगामी योजनाको कार्यान्वयन गर्ने बिषयमा छलफल हुनसक्छ । कार्यक्षेत्रमा निकै व्यस्त भइनेछ । उच्चपदस्थ र महत्वपूर्ण व्यक्तिहरुसित मित्रता हुने देखिन्छ । समय व्यवस्थापन गर्न नसक्दा प्रेम सम्बन्धमा खटपट हुनसक्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५