माघ ११ गते शुक्रबारको तपाईँको राशिफल

काठमाडौं । आज मिति २०८१ साल माघ ११ गते शुक्रबार ।

तदनुसार २०२५ जनवरी २४, नेपाल सम्बत ११४५ । आज सूर्योदय बिहान ६ः५३ बजे हुनेछ भने सूर्यास्त साँझ ५ः३८ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
तन्त्रमन्त्र,, साधना एवं कुनै रहस्यात्मक बिषयमा रुचि बढ्न सक्छ । कडा मिहनेत गरि नसुल्झिएको समस्यालाई हल गर्न सकिनेछ । स्वास्थ्य समस्या देखा पर्नसक्ने भएकाले खानपानमा विशेष ध्यान दिनुहोला । जीवनसाथिको भावना बुझिदिनुका सथै व्यवहारिक बन्नु राम्रो होला ।

बृष (इ, उ, ए, ओ, बा, बि, बु, बे, बो) –
प्रेमि वा जीवनसाथिका साथमा घुम्ने, समय यापन गर्ने वा कुनै समारोहमा एकसाथ सरिक हुने अवसर मिल्नसक्छ । दुविधा र दोधारको अवस्थामा कुनै महत्वपूर्ण निर्णय लिनु उचित नहोला । व्यस्तता बढ्ने देखिएपनि मन प्रसन्न रहनेछ । केही समय जीवनसाथि वा परिवारका लागि छुट्याउनु उचित होला ।

मिथुन (का, कि, कु, घ, ङ, छ, के, को, ह) –
दैनिक कामहरु सजिलै सम्पन्न हुनेछन् । झगडा र कलहबाट टाढा बसेकै जाती होला । जिद्दीपना र घमण्ड बढ्ने देखिन्छ । काम र जिम्मेवारिप्रति समेत लगाव देखिँदैन । अनावश्यक काममा समय खेर फाल्नु उचित नहोला । क्षमता प्रदर्शन गरि प्रतिष्ठा आर्जन गर्न सकिने राम्रो दिन हो ।

कर्कट (हि, हु, हे, हो, डा, डि, डु, डे, डो) –
कल्पना र भावनामा रुमलिन सकिनेछ । कामबाट फुर्सद निकालेर कुनै नजानेको बिषयवस्तुको ज्ञान हासिल गर्ने कोसिस हुनेछ । अपेक्षित माया, सहयोग एवं समझदारी कायम हुनेछ । कसैको चित्त दुखाएर कुनै पनि काम नगर्नुहोला । धन कमाउने लोभमा जोखिम मोलेर काम गर्नुभयो भने ठूलो हानि व्यहोर्नुपर्ने हुनसक्छ ।

सिंह (मा, मि, मु, मे, मो, टा, टि, टु, टे) –
नयाँ व्यापार व्यवसायमा लगानी गर्ने सोच्नुभएको छ भने आजको दिन उपयुक्त छैन् । समय व्यवस्थापन गर्न नसक्दा परिवारका सदस्यहरुले खिन्नता प्रकट गर्नेछन् । पराईसँग व्यवहार गर्दा निश्चित दूरी कायम राख्नु ठीक होला । कुनै समस्या छ भने परिवारका सदस्य वा मन मिल्ने साथिसँग बताउनु ठिक होला ।

कन्या (टो, प, पि, पु, ष, ण, ठ, पे, पो) –
कुनै नजानेको कुराले अलमलमा पर्नुभएको छ भने साथिहरुसँग छलफल गरी जानकारी लिनुहोला । नयाँ काम सिक्न पाइने योग रहेको छ । पेसा वा कार्यक्षेत्रप्रतिको व्यवहारिक दृष्टिकोणले तपाईलाई आर्थिक रुपमा समृद्ध बन्न मद्दत पुग्नेछ । धार्मिक वा सामाजिक गतिविधिमा सक्रिय हुँदा वा दुःखमा परेका व्यक्तिको सहयोग गर्न पाउँदा मनमा शान्तिको अनुभूति हुनेछ ।

तुला (र, रि, रु, रे, रो, ता, ति, तु, ते) –
घुमघाममा निस्कने वा मस्ती गर्ने योजना बन्नसक्छ । खर्च बढ्ने भएकाले खर्चको जोहो गरेर मात्रै यात्रा गर्नुहोला । आर्थिक कारोबार गर्दा जोखिम रहेकाले विशेष ध्यान दिनुहोला । कुनै करार वा सम्झौता गर्नछ भने राम्ररी पढ्नु उचित होला । अठोट र निर्णयहरुमा सफलता मिल्नेछ ।

बृश्चिक (तो, ना, नि, नु, ने, नो, या, यि, यु) –
प्रतिष्ठित शैक्षिक संस्थान वा विदेशमा उच्च शिक्षा हासिल गर्न प्रयास गर्नुहोला, सफलता मिल्नेछ । मिहेनत र लगनशीलताले सफलता तर्फ डोहोर्याउने छ । भविष्यसँग सम्बन्धित बिषयहरुमा थप जोड दिनुहोला । आफूलाई उर्जावान र जीवन्त महसुस गर्ने दिन रहेको छ । व्यक्तित्व निर्माणका साथसाथै शारीरिक सुगठनतर्फ ध्यान केन्द्रित हुनसक्छ ।

धनु (ये, यो, भ, भि, भु, ध, फा, ढ, भे) –
बजेटलाई सन्तुलनमा राख्ने प्रयास गर्नुहोला । कुनै नयाँ योजनामा लगानी गर्ने मनस्थितिमा हुनुहुन्छ भने त्यसका सबल र दुर्बल पक्षमा चिन्तन गर्नुहोला । कुविचार, भ्रम, चिन्ता र शङ्का मँडारिने समय छ, त्यसैले लक्ष्यप्रति सचेत हुनुपर्छ । सानातिना र बेकारका कुराहरूमा अलमलिनु राम्रो होइन । छलछाम र हेलचक्र्याइँ नगर्नु होला, अन्यथा झमेलामा पर्न सकिनेछ ।

मकर (भो, ज, जि, खि, खु, खे, खो, गा, गि) –
आम्दानीका स्रोतहरु बढ्नेछन् । दिर्घकालीन फाइदा हुने कुनै काम प्रारम्भ गर्न सकिने छ । प्रशासनिक वा राज्यपक्षका काम गर्न अनुकूल समय छ । जोखिम मोलेर गरेको कामबाट फाइदा मिल्नेछ । बुद्धि र विवेकको प्रयोग गरि विगतमा गुमाएका बिषयवस्तु समेत पुनः प्राप्त गर्न सकिने छ । व्यक्तिगत प्रतिष्ठाका लागि अझ धेरै खट्ने समय रहेको छ ।

कुम्भ (गु, गे, गो, सा, सि, सु, से, सो, द) –
विशेष कामले गर्दा बाहिर निस्कनुपर्ने परिस्थिति बन्नसक्छ । मनमिल्ने साथि वा आत्मीय जनको स्वास्थ्यगत समस्याले चिन्ता बढाउन सक्छ । फलाम, कोइला, पेट्रोलियम पदार्थ आदि नै तपाईंको व्यापार हो भने अझ राम्रो प्रतिफल पाइने छ । घरायसी रमझम र कामधामबाट फुर्सद निकाल्न सकिंदैन । पारिवारिक जिम्मेवारी बढ्नेछन् ।

मीन (दि, दु, थ, झ, ञ, दे, दो, च, चि) –
अप्ठ्यारा परिस्थितिलाई पनि सहज बनाउन सकिनेछ । कार्यक्षेत्रमा गज्जबले समय व्यतीत हुने । दिन दुःखीलाई सहयोग गर्नु वा कुनै धार्मिक क्षेत्रमा दान गर्नु राम्रो हुन्छ । मन हलुका र चङ्गा हुने दिन हो । प्रेमि वा जीवनसाथिका तर्फबाट सुन्दर उपहार प्राप्त हुनेछ, जुन तपाईँको प्रेमसम्बन्धको दीगो प्रतिक बन्नसक्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५