माघ १० गते बिहीबारको तपाईँको राशिफल

काठमाडौं । आज मिति २०८१ साल माघ महिनाको १० गते बिहीबार ।

तदअनुसार २०२५ जनवरी २३, नेपाल सम्बत ११४५ । आज सूर्योदय बिहान ६ः५४ बजे हुनेछ भने सूर्यास्त साँझ ५ः३७ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
इच्छाअनुरूप एकान्तमा बस्न पाउने अवसर मिल्नेछ । कुनै कुराले मनलाई अशान्त बनाइरहेको छ भने मनमिल्ने साथिलाई सुनाउनु उचित होला । रहस्य, अध्यात्म, तन्त्रमन्त्र र जादुटुनाका बिषयमा रुचि बढ्न सक्छ । नसोचेको धन हातलागि हुनुका साथै कुशल नेतृत्व र व्यवस्थापकिय क्षमताको उपयोग हुने देखिन्छ ।

बृष (इ, उ, ए, ओ, बा, बि, बु, बे, बो) –
स्वास्थ्यस्थितिमा कमजोरी देखिन सक्छ । स्वभावमा अस्वभाविकता देखा पर्ने हुनाले कलहबाट सकेसम्म टाढा बस्नुहोला । कलह र विवादको योग रहेकाले कम बोल्नु उपयुक्त होला । अतिरिक्त क्रियाकलाप वा प्रतिभा प्रदर्शन गर्ने समय रहेको छ । परिवारमा चलिरहेको कुनै असमझदारी वा भ्रमको निवारण हुनेछ ।

मिथुन (का, कि, कु, घ, ङ, छ, के, को, ह) –
तालिम वा ज्ञान बढाउने बिषयमा सरिक हुने र लाभ पाउने समय रहेको छ । कल्पना र भावना साकार हुने देखिन्छ । प्रेमि वा जीवनसाथिका कुरा सुन्ने गर्नुहोला, अन्यथा खटपटको अवस्था देखिन्छ । बहस र विवादमा पकड भएको समय रहेकाले तौलेर बोलेको ठिक होला ।

कर्कट (हि, हु, हे, हो, डा, डि, डु, डे, डो) –
कारोबारलाई नयाँ गति दिने प्रयत्न हुनेछ । कसैको आश्वासन वा लोभमा भुलिनु हुँदैन । पारिवारिक खुसिलाई मध्यनजर गर्दै कुनै काम लुकाएर गर्नुपर्ने परिस्थिति बन्नेछ । आर्थिक कारोबारमा सकभर पछि हट्नु ठिक होला । घुमघाम वा मनोरञ्जनका लागि केही रकमको खाँचो पर्नसक्छ । घोरिएर बस्नुभन्दा अभिभावकसँग आफ्ना कुरा राखि निकास खोज्नु राम्रो हुन्छ ।

सिंह (मा, मि, मु, मे, मो, टा, टि, टु, टे) –
अध्यात्मिक मनोभावको विकास हुनेछ । मन्दिर वा स्मारकको भ्रमणबाट शान्तिको अनुभूति मिल्नेछ । नयाँ प्रविधिको प्रयोगले ज्ञान र क्षमतामा बृद्धि हुनुका साथै कलात्मक बिषयमा रुचि जाग्नेछ । साथिभाईसँग रमाइलो भेटघाट हुनेछ । देखिएका चुनौती पन्छाएर पनि परिस्थिति अनुकूल बनाउन सकिने छ ।

कन्या (टो, प, पि, पु, ष, ण, ठ, पे, पो) –
आनन्द र प्रसन्नताका साथमा नै नियमित काम सम्पन्न हुनेछन् । आयको नयाँ स्रोत फेला पर्नुका साथै कमाएको धन सञ्चित गर्न सकिने छ । व्यक्तिगत खुसीका लागि कुनै कुरामा खर्च बढ्ने देखिन्छ । आर्थिक पक्ष कमजोर भएमा जीवनसाथिको सहायता लिनु उपयुक्त होला । सञ्चारमाध्यमबाट शुभ सन्देश आउन सक्ला ।

तुला (र, रि, रु, रे, रो, ता, ति, तु, ते) –
जीवनसाथिसँग कुनै पनि कुरो नलुकाउनु होला, अन्यथा भविष्यमा कलहको विजारोपण हुनसक्छ । आफूलाई कमजोर या नजान्ने नठान्नु होला । मिहेनत गर्दा असम्भव कामहरु पनि सम्भव हुनेछन् । मानसम्मान र प्रतिष्ठा बढाउन गरिएको काममा सफल भइने छ । दायित्व र जिम्मेबारीको बोध गर्नुका साथै आफ्नो कर्तव्यनिर्वाहप्रति सचेत हुनुहोला ।

बृश्चिक (तो, ना, नि, नु, ने, नो, या, यि, यु) –
नराम्रो ठान्ने, नराम्रो बुझ्ने र खराब सुन्ने साथीहरूका माझमा आफ्ना भित्री कुरा नखोल्नुहोला, अन्यथा बेकारको अफवाह फैलने डर छ । विशिष्ट व्यक्तित्व वा विद्वान् गुरुसित मित्रता र भेटघाट हुने समय छ । ढुवानी, यातायात वा मार्केटिङ जस्ता व्यवसायबाट राम्रो लाभ लिन सकिने छ । आफ्नो काममा आफू स्वयं उपस्थित भएको राम्रो होला ।

धनु (ये, यो, भ, भि, भु, ध, फा, ढ, भे) –
कुनै फाइदा हुने क्षेत्रमा आकर्षण छ वा स्थान परिवर्तन गर्ने मुडमा हुनुहुन्छ भने काम थाल्दा राम्रो हुन्छ । मनमा वैराग्य र निराशाको भाव पलाउने देखिन्छ । सरकारी ठेक्कापट्टा, गृहनिर्माण, फर्निचर र साजसज्जाका सामाग्रीको कारोबारमा लाभ पाउन सकिने छ । सुखसुविधा वा सजावटका सामान वा भाँडाकुडा खरिद गर्न अनुकूल समय छ । घरव्यवहार र दैनिक कामधन्दामा निकै खट्नुपर्ने परिस्थिति बन्नसक्छ ।

मकर (भो, ज, जि, खि, खु, खे, खो, गा, गि) –
लगनशीलता र परिश्रमका माध्यमबाट जस्तै समस्या भए पनि गहिराइमा पुग्न सकिने छ । काम र कर्तव्यप्रति दिलजस्पी जाग्नेछ । व्यक्तित्व निर्माण वा प्रतिष्ठा बृद्धिको कुनै अवसर प्राप्त भएमा त्यसमा लागी पर्नु राम्रो हुन्छ । पुरस्कार प्राप्त गर्ने योग रहेको छ । आलस्यपन त्यागेर मिहेनत गरेमा राम्रो उपलब्धि हासिल हुनेछ ।

कुम्भ (गु, गे, गो, सा, सि, सु, से, सो, द) –
भाग्यले राम्रो साथ दिएको छ । कुनै प्रदर्शन वा प्रतिष्पर्धामा सरिक हुँदै हुनुहुन्छ भने आज गरेको प्रयासमा सफलता मिल्नेछ । कार्यक्षेत्रबाट कुनै राम्रो समाचार आउनसक्छ । अभिभावक र बुजुर्ग व्यक्तिको सल्लाह मानेमा लक्ष्यप्राप्तिको मार्गमा सफल भइनेछ । चुनौती र सङ्घर्षका माझमा काम निकालेर इज्जत जोगाउन सकिने समय हो ।

मीन (दि, दु, थ, झ, ञ, दे, दो, च, चि) –
सहयोगी भावना पलाउने देखिन्छ । सहयोगीको साथ नपाउँदा एैनमौकामा बन्नै लागेको काम पनि बिग्रनसक्छ । शारीरिक अस्वस्थता देखिनसक्छ । आर्थिक कारोबारमा सकभर आफैँ खटेको जाती होला । भविष्यको चिन्ताले सताउने समय छ । शान्त र संयम भएर जीवनसाथी र घरपरिवारसँगै समय व्यतित गरेको राम्रो होला ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५