यस्तो छ माघ ९ गते बुधबारको तपाईँको राशिफल

काठमाडौं । आज मिति २०८१ साल माघ ९ गते बुधबार ।

तदनुसार २०२५ जनवरी २२, नेपाल सम्बत ११४५ । आज सूर्योदय बिहान ६ः५५ बजे हुनेछ भने सूर्यास्त साँझ ५ः३६ बजे हुनेछ । अब सुरु गरौँ आजको राशिफल…

मेष (चु, चे, चो, ला, लि, लु, ले, लो, अ) –
मनोरञ्जनात्मक क्रियाकलापमा संलग्न हुने तथा भोजन र परिकारको स्वादमा रमाउन पाइने छ । जीवनसाथिको इच्छा र रुचिलाई ध्यान दिनु ठीक हुन्छ । कला वा अभिनय क्षेत्रको शिक्षार्थी हुनुहुन्छ भने सोचेको कुरा लिपिबद्ध गर्नुहोला । भविष्यमा काम आउनेछ । विवाहयोग्य उमेर छ र अविवाहित हुनुहुन्छ भने कुनै व्यक्तिप्रति आकर्षणसमेत बढ्न सक्छ ।

बृष (इ, उ, ए, ओ, बा, बि, बु, बे, बो) –
कामको बोझ बढ्नेछ । जुनसुकै काममा प्रशासनिक समस्या र कानूनी पक्षबारे चिन्तन गर्नु ठीक होला । आडम्बर र घमण्डले समस्यामा पार्नसक्छ । बेकारको तर्कबितर्कमा दिन बित्ने परिस्थिति बन्नेछ । घरपरिवारबाट सुखद समाचार आउनेछ । घुमघाममा जाने वा मनोरञ्जन गर्ने मौका जुर्नसक्ने योग रहेको छ ।

मिथुन (का, कि, कु, घ, ङ, छ, के, को, ह) –
आत्मविश्वासमा बृद्धि हुनाले थप सफलता प्राप्त हुनेछ । शिक्षाक्षेत्र, आर्थिक कारोबार, सुनचाँदीका व्यापारिका लागि निकै राम्रो दिन रहेको छ । परिवारजनको सहमति जुट्नाले नचिताएको काम सम्पन्न गर्न सकिने छ । आन्तरिक प्रतिभाको प्रस्फुटन हुनुका साथै कला र साहित्यप्रति झुकाव बढ्नेछ ।

कर्कट (हि, हु, हे, हो, डा, डि, डु, डे, डो) –
कार्यक्षेत्र र परिवारिक समस्यालाई सन्तुलनमा राख्ने प्रयास गर्नुहोला । वैदेशिक प्रयोजनको कामका लागि प्रयास गर्दा सफल भइनेछ । तामेलिमा परेका बिषयवस्तुमा ध्यानकेन्द्रित गर्नाले केही फाइदा हुनसक्छ । शंकालु बानी र विश्वासको कमिले आपसी समन्वय कमजोर बन्नसक्छ । मन अशान्त भएझै लाग्नेछ सकभर एक्लै नबस्नुहोला, अन्यथा नकारात्मक भावनाले कमजोर बनाउन सक्छ ।

सिंह (मा, मि, मु, मे, मो, टा, टि, टु, टे) –
सामाजिक सम्बन्धमा विस्तार हुनेछ । दृढ़ इच्छा शक्ति कायम राख्दा विपरीत परिस्थितिमा पनि विवेक गुम्दैन र समुचित काम बन्नेछ । कामधन्दा छोडेर सामाजिक क्रियाकलापमा सक्रिय भइने छ । व्यक्तिगत कार्यमा सफलता मिल्नेछ । पारिवारिक दायित्व र जिम्मेवारी बढ्नसक्छ । बरु दाजुभाई वा माइतीपक्षको सहयोग जुटाउन सकिनेछ ।

कन्या (टो, प, पि, पु, ष, ण, ठ, पे, पो) –
नयाँ परियोजना वा काम थाल्न अनुकूल समय रहेको छ । सामूहित क्रियाकलाप वा क्लबमा सहभागी हुँदा नयाँ विचार र योजनाहरु प्रकट हुनेछ । आनन्दका साथ आजको दिन वित्नेछ । जीवनसाथिको पदप्रतिष्ठामा अभिबृद्धि हुनुका साथै आम्दानीका मार्गहरु पनि बढ्ने संकेत छ ।

तुला (र, रि, रु, रे, रो, ता, ति, तु, ते) –
व्यक्तित्व विकासको राम्रो अवसर प्राप्त हुनेछ । प्रेरणादायी व्यक्तिसँग चिनजान वा मित्रता हुने देखिन्छ । जीवनसाथिले तपाईँको भावना बुझिदिनाले मनमा शान्तिको आभास हुनेछ । मनमा अनावश्यक डर उत्पन्न हुनसक्छ । कुनै नयाँ काम गर्दा हडबडी र शीघ्रता नगर्नु होला ।

बृश्चिक (तो, ना, नि, नु, ने, नो, या, यि, यु) –
जुनसुकै काम गर्दा विशेष सावधानी अपनाउनुहोला । मनको हठ र कुण्ठामा भुलिने समय छ । खर्चको मात्रामा अचानक बृद्धि हुनसक्छ । नजिकैको आफन्त वा मनमिल्ने साथिसँगको साझेदारीमा कुनै कारोबार गर्दै हुनुहुन्छ भने विशेष सावधानि अपनाउनुहोला ।

धनु (ये, यो, भ, भि, भु, ध, फा, ढ, भे) –
बौद्धिक र ज्ञानमूलक क्षेत्रमा थप मिहिनेत गर्नुपर्ने देखिन्छ । नयाँ योजना कार्यान्वयन गर्नका लागि उपयुक्त समय रहेको छ । दीर्घ प्रयोजनको लाभमूलक काम गर्दै हुनुहुन्छ भने प्रशासनिक तौरतरिका बुझ्नु उपयुक्त होला । आफ्नो सोख पुरा गर्नका निमित्त दैनिक खर्चमा बृद्धि हुनसक्छ ।

मकर (भो, ज, जि, खि, खु, खे, खो, गा, गि) –
व्यक्तित्व विकासका लागि प्रयास गर्नुहोला । जीवनसाथिको तर्फबाट कुनै खुसीको कुरा सुन्न पाइने छ । मिहेनत र कर्मठताले कामधन्दामा प्रगति हुनेछ । वरिष्ठ व्यक्तित्वसँग चिनजान हुने वा सम्बन्ध कायम हुनसक्छ । परामर्श सेवा, लेखा सेवा, कन्सल्टेन्सी, वकालत, शेयर मार्केट वा कम्प्यूटरसम्बद्ध कामबाट विशेष फाइदा मिल्नेछ ।

कुम्भ (गु, गे, गो, सा, सि, सु, से, सो, द) –
शरीर हलुका र मन प्रसन्न रहनेछ । विशेष व्यक्तिसँग भेटघाटको अनुकूलता मिल्नेछ । व्यक्तित्वमा घमण्ड र अहंकारले प्रवेश पाउनेछ । धार्मिक वा सामाजिक काममा समय दिनुपर्ने हुनसक्छ । आफ्नो कामप्रतिको लगनशीलताका कारण कारोबारमा लाभ मिल्नेछ ।

मीन (दि, दु, थ, झ, ञ, दे, दो, च, चि) –
एकाग्रताका लागि ध्यान र योग गर्नु उचित होला । बढ्दो ऋणभार र खर्चबृद्धिले तनाव बढ्नसक्छ । विपरित परिस्थितिलाई जितेर अघि बढ्ने प्रयास गर्नुहोला । पुराना समस्या बल्झिनाले वा कुनै गोप्य दास्ताबेज बाहिरिनाले चिन्ता बढ्ने देखिन्छ, त्यसैले सचेत र संयम भएर अघि बढ्नुहोला ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५