हेर्नुहोस माघ ५ गते शनिबारको तपाईँको भाग्य

काठमाडौं । आज बि.सं. २०८१ साल माघ ५ गते शनिबार ।

तदनुसार २०२५ जनवरी १८, नेपाल सम्बत ११४५ । आज सूर्योदय बिहान ६ः५५ बजे हुनेछ भने सूर्यास्त साँझ ५ः३३ बजे हुनेछ । अब सुरु गरौँ ज्योतिष पण्डित हरिप्रसाद भण्डारीले तयार पार्नुभएको आजको राशिफल…

मेष (चु, चे, चो, ला, लि, लु, ले, लो, अ) –
प्रेमसम्बन्धमा उतारचढाव आउनेछ । पुस्तक, शिक्षाक्षेत्र, छापाखाना, कन्सल्टेन्सी र गरगहनाको कारोबारबाट लाभ लिन सकिने छ । मन कल्पना र भावनामा अलमलिन सक्छ । आत्मिय आनन्द र मानसिक शान्तिका लागि प्रयास गर्ने समय रहेको छ ।

बृष (इ, उ, ए, ओ, बा, बि, बु, बे, बो) –
गुरुजनको मार्गदर्शन अवलम्बन गर्दा अनुभवलाई तिखार्ने अवसर मिल्नेछ । सुखको चाहनाले लक्ष्यमा बिलम्ब हुनसक्छ । आफ्नो गोप्य कुरा बाहिरिनाले समस्यामा पर्न सकिनेछ । आफ्नो समझदारीले हरेक समस्याको समाधान गर्न सकिनेछ । मन हलुका र शरीर स्वस्थ्य रहनेछ ।

मिथुन (का, कि, कु, घ, ङ, छ, के, को, ह) –
कामको चाप बढ्ने भएकाले परिस्थिति हेरी कार्य गर्ने प्रयास गर्नुहोला । आफ्नै कमजोरीले मन दुःखित बन्नसक्छ । नसोचेको धन प्राप्त हुने वा कतैबाट ऋण रकम उठाउने समय रहेको छ । धनको स्थिरतामा ध्यान दिनु आवश्यक देखिन्छ । औजार, हातहतियार, किराना सामाग्री र सरकारसम्बद्ध ठेक्कापट्टाका व्यवसायीले लाभ पाउनेछन् ।

कर्कट (हि, हु, हे, हो, डा, डि, डु, डे, डो) –
चेलीबेटीको चित्त बुझाउन धौधौ हुनेछ । घरपरिवारका सदस्यहरुसँग सुमधुर सम्बन्ध कायम हुनेछ । परिक्षा, प्रतियोगिता वा प्रतिष्पर्धामा विजय प्राप्त गर्ने दिन हो । आर्थिक पक्ष सुदृढ रहनुका साथै विभिन्न स्रोतबाट आम्दाीमा बृद्धि हुने देखिन्छ । कार्यक्षेत्रमा पनि आफ्नो बोली र कामको कदर हुनेछ । पारिवारि माहोल रमाइलो नै देखिन्छ ।

सिंह (मा, मि, मु, मे, मो, टा, टि, टु, टे) –
अध्ययनप्रतिको लगावले बौद्धिक क्षेत्र फराकिलो बन्नेछ । विगतका कमीकमजोरीमा सुधार गरी प्रयत्न गरेको काममा सफल भइने छ । एकआपसमा अपेक्षित माया एवं समझदारी कायम रहनेछ । आध्यात्मिक वा दार्शनिक बिषयवस्तुप्रति मोह जाग्नेछ । नजानेको कुनै सीपका बारेमा समेत जानकारी बटुल्न सकिनेछ ।

कन्या (टो, प, पि, पु, ष, ण, ठ, पे, पो) –
पारदर्शिता नहुँदा सम्बन्धमा विश्वासको संकट हुनसक्छ । सुखद वातावरणमा आनन्दपूर्वक समय व्यतित हुनेछ । कारोबारमा झट्ट अर्काको विश्वास नगर्नुहोला, सहयोगीमाथि पनि पूर्ण भरोसा गर्ने दिन छैन । अन्यथा आकस्मिक रुपमा नोक्सानी व्यहोनुपर्ने हुनसक्छ ।

तुला (र, रि, रु, रे, रो, ता, ति, तु, ते) –
आशावादी भएर लक्ष्यप्रति केन्द्रित भएमा आँटेको काम पूरा गर्न सजिलो हुनेछ । साथिभाइको क्रियाकलापले तपाईँको चिन्ता बढ्नसक्छ । आफ्नो क्षमता र प्रतिभाअनुसार अवसर मिल्ने योग छ । बुद्धि र विवेकको प्रयोग गरेमा रोकिएको कामले निकास पाउनसक्छ ।

बृश्चिक (तो, ना, नि, नु, ने, नो, या, यि, यु) –
साथिभाइको सहयोग प्राप्त हुनुका साथै आफुले गरेको प्रयासहरुमा सफलता मिल्नेछ । थप मिहेनत गर्ने हौसला प्राप्त हुनेछ । कुनै नयाँ कामको थालनी गर्दै हुनुहुन्छ भने आफूभन्दा जान्नेबुझ्नेको सहयोग लिएमा सफल भइनेछ । दाम्पत्य जीवन सुखमय नै देखिन्छ । जिम्मेवारी र दायित्व बढ्ने समय रहेको छ ।

धनु (ये, यो, भ, भि, भु, ध, फा, ढ, भे) –
नयाँ कार्यको थालनी हुने वा सानो प्रयासले ठूलो सफलता मिल्नसक्ने समय रहेको छ । फूर्तिका साथ जिम्मेवारी र दायित्व पूरा गर्ने दिन हो । सहयोगी र मिलनसार स्वभावको विकास हुनेछ । मान्यजनबाट प्रशंसा र सहानुभूति बटुल्न सकिनेछ । प्रशस्त सम्भावना र उपलब्धिहरु भएको राम्रो दिन छ ।

मकर (भो, ज, जि, खि, खु, खे, खो, गा, गि) –
शरीरमा थकानको अनुभूति हुनुका साथै उत्साहमा कमी आउने समय छ । बुद्धि र विवेकको प्रयोग गर्न नसक्दा जुनसुकै काममा झमेला आउनसक्छ । ससाना कुरामा मन आत्तिनेछ । समय र परिस्थिति अनुकूल भए पनि बाध्यतामा खुम्चनु पर्दा इच्छा पूरा हुन सक्दैन ।

कुम्भ (गु, गे, गो, सा, सि, सु, से, सो, द) –
मन उत्सुक र आशावादी बन्नेछ । कुनै महत्वपूर्ण निर्णय लिँदा दोधारमा नरहनुहोला, तपाईँको आजको निर्णयले भाग्यको ढोका खुल्नेछ । मिहेनतले पदीय जिम्मेवारी बढ्नुका साथै इच्छाएको अवसर प्राप्त हुनेछ । घुमघाममा निस्कने वा एकान्तमा बसेर रमाउन पाइने सुन्दर दिन रहेको छ ।

मीन (दि, दु, थ, झ, ञ, दे, दो, च, चि) –
चुनौतीका बीच मोटो रकम हातलागी हुनसक्छ । रातो रङका चिजबीज, लताकपडा, बृक्ष वनस्पति, शैक्षिक प्रतिष्ठान, औषधी र खाद्यान्नका क्षेत्रमा राम्रो देखिन्छ । घमण्ड र क्रोधमा बृद्धि हुनसक्छ, व्यक्तित्व र जिम्मेवारीका बीच तालमेल मिलाउन सकेमा विवाद एवं अपजसबाट बच्न सकिन्छ । कुनै नबुझेको कुरा छ भने एकान्तमा बसेर दोहोर्याएर प्रयास गर्नुहोला ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५