माघ ३ गते बिहीबारको तपाईँको राशिफल कस्तो छ ?

काठमाडौं । आज बि.सं. २०८१ साल माघ ३ गते बिहीबार ।

तदनुसार २०२५ जनवरी १६, नेपाल सम्बत ११४५ । आज सूर्योदय बिहान ६ः५५ बजे हुनेछ भने सूर्यास्त साँझ ५ः३१ बजे हुनेछ । अब सुरु गरौँ ज्योतिष पण्डित हरिप्रसाद भण्डारीले तयार पार्नुभएको आजको राशिफल…

मेष (चु, चे, चो, ला, लि, लु, ले, लो, अ) –
प्रेमिकासँग भेटघाट एवं गफगाफ गर्ने मौका मिल्नेछ । धेरैजनासँग मिलेर काम गर्ने प्रयास हुनेछ तर समुचित परिणाम प्राप्त गर्न धौधौ होला । काममा हतार गर्दा क्षति व्यहोर्नुपर्ने हुनसक्छ । बुद्धिकौशल तथा समझदारीले कमीकमजोरी हटाउन सकिने छ ।

बृष (इ, उ, ए, ओ, बा, बि, बु, बे, बो)
पारिवारिक वातावरण राम्रो देखिनुका साथै विभिन्न कुराको लाभ पाउने समय रहेको छ । कुनै समस्यामा हुनुहुन्छ भने अभिभावकसँग प्रष्टसँग राख्ने प्रयास गर्नुहोला । कामधन्दालाई पर सारेर केही समय विश्राम लिँदा राम्रो होला । सुरक्षित आर्थिक गतिविधिमा ध्यान दिनु उचित होला ।

मिथुन (का, कि, कु, घ, ङ, छ, के, को, ह) –
कडा परिश्रमले उत्कृष्ट नतिजा प्राप्त गर्न सकिनेछ । सहकर्मीहरुले तपाईँको क्षमतामाथि विश्वास गर्न थाल्नेछन् । साथिभाइसँग रमाउन खोज्दा आपसी समन्वय विग्रन सक्ने भएकाले सचेत रहनुहोला । सञ्चारमाध्यमबाट खुसी मिल्ने समाचार प्राप्त हुनेछ । बृ्द्धि र विवेकको सही प्रयोग गर्दा आँटेको काम बन्नेछ ।

कर्कट (हि, हु, हे, हो, डा, डि, डु, डे, डो) –
व्यापार व्यवसायबाट राम्रो फाइदा लिन सकिनेछ । वाचा पूरा गर्न नसक्नाले सेवाग्राहीको आलोचना खेप्नुपर्ने हुनसक्छ । सुखसुविधाको बृद्धिका लागि विभिन्न सामग्रीको किनमेल गरिने हुनाले खर्च बढ्ने योग छ । बोली र व्यवहारमा नम्रता अपनाउनु उचित होला । मिहेनत र बुद्धिकौशलको प्रयोग गर्दा नसोचेको काम बन्नेछ ।

सिंह (मा, मि, मु, मे, मो, टा, टि, टु, टे) –
मिहेनत र लगनशीलतालाई जारी राख्नु ठीक हुन्छ । भविष्यसँग सम्बन्धित बिषयहरुमा थप जोड दिने समय हो । मनले चिताएका कामहरु सहजै सम्पन्न हुनेछन् । हाकिम वा जानकार व्यक्तिको सहयोग र सहानुभूति प्राप्त हुनेछ । घुमघाममा जाने वा मस्ती गर्ने योजना बन्नसक्छ ।

कन्या (टो, प, पि, पु, ष, ण, ठ, पे, पो) –
व्यक्तिगत समस्याका कारण काममा बाधा पुग्नेछ । कामको चाप बढ्नुका साथै सहयोगी कर्मचारी र हाकिम रुष्ट हुनसक्छन् । काममा छलछाम वा हेलचक्र्याइँ नगुर्नहोला । पतिपत्निको विश्वास जित्न सकेमा मात्रै प्रेम सम्बन्ध सुमधुर बन्नेछ । अर्काको सल्लाह, सुझाव र आशयलाई सुन्ने बानीको विकास गर्नु राम्रो हुन्छ ।

तुला (र, रि, रु, रे, रो, ता, ति, तु, ते) –
पारिवारिक सुखमा अभिबृद्धि हुने तथा सन्तानबाट सन्तोष मिल्ने समय छ । ज्ञान र अनुभवको प्रयोग गरी कुनै महत्वपूर्ण बिषयमा लाभ लिन सकिनेछ । व्यक्तित्व विकास र भौतिक सुखसुविधा जुटाउने सिलसिलामा नयाँ विचार र भावनाको उदय हुनेछ । लक्ष्यप्रति गम्भिर बन्नु होला, अन्यथा नोक्सानी व्यहोर्नुपर्ने हुनसक्छ ।

बृश्चिक (तो, ना, नि, नु, ने, नो, या, यि, यु) –
परिबन्द र बाध्यतामा अलमलिनुपर्ने समय रहेको छ । आपसी समन्वय र तालमेल कायम रहने भएकाले प्रेम सम्बन्ध सुमधुरनै देखिन्छ । महत्वपूर्ण व्यक्तिसँग भेटघाट हुनसक्ने देखिन्छ । आत्मविश्वास र दृढतामा बृद्धि हुनुका साथै मज्जाले परिश्रम गर्ने दिन रहेको छ ।

धनु (ये, यो, भ, भि, भु, ध, फा, ढ, भे) –
जनकल्याण र परोपकारको भावना विकसित हुनेछ । कुनै पुरानो मन्दिर वा स्मारकको भ्रमण हुनसक्छ । साझेदारीको कामबाट फाइदा मिल्नुका साथै धार्मिक र आध्यात्मिक चेतना बढ्नेछ । नियमकानूनको पालना गर्नु उचित होला । सीप र बुद्धिकौशलको प्रयोग गरी मान्यजन र विशिष्ट व्यक्तिको सद्भाव बटुल्न सकिने छ ।

मकर (भो, ज, जि, खि, खु, खे, खो, गा, गि) –
तन्त्रमन्त्र, साधना एवं कुनै रहस्यात्मक बिषयमा रुचि बढ्नसक्छ । कडा मिहेनत गरी नसुल्झिएको समस्यालाई हल गर्न सकिनेछ । स्वास्थ्यस्थिति कमजोर देखिने भएकाले विशेष ध्यान दिनुहोला । आफ्ना कुरा छाडी आफन्त र खासगरी जीवनसाथिको भावना बुझ्ने प्रयास गर्नुहोला । यन्त्र वा उपकरणको प्रयोगमा सावधान हुनुपर्ने देखिन्छ ।

कुम्भ (गु, गे, गो, सा, सि, सु, से, सो, द) –
लक्ष्य प्राप्त गर्न कडा मिहेनत गर्नुपर्नेछ । भावनात्मक कुरामा भुलिने हुँदा कुनै महत्वपूर्ण काममा कमजोरी देखिने डर छ । पुराना साथिभाइसँग भेटघाटको कार्यक्रम बन्नसक्छ । जीवनसाथिको भावना र इच्छाहरुलाई ख्याल राख्नु उचित होला । अप्ठ्यारो परिस्थितिलाई समेत सहज बनाउन सकिने राम्रो दिन रहेको छ ।

मीन (दि, दु, थ, झ, ञ, दे, दो, च, चि) –
व्यक्तित्व विकासका निमित्त राम्रो अवसर मिल्नेछ । तोकिएको काम समयमै सम्पन्न हुनुका साथै थप आयआर्जनका लागि मन उत्साहित हुनेछ । बेकरिङ, क्याटरिङ, फास्टफुड, माटोको सामाग्री, औजार, भाँडाकुँडा आदिका व्यसायले राम्रो प्रतिफल दिनेछ । घमण्ड र जिद्दीपना त्याग्नसकेमा तर्क र बहसमा विजय प्राप्त हुने देखिन्छ ।

ज्यो.पं – हरिप्रसाद भण्डारी बरिष्ठ ज्योतिष एवं वास्तुविद
सम्पर्क नं ९७७– ९८४२२१९७३५