काठमाडौं । चीनको सिजाङ स्वायत्त क्षेत्रको सिगाजको डिङ्ग्री काउन्टीमा सोमबार पुनः भूकम्प गएको छ ।
स्थानिय समयअनुसार राति ८ बजेर ५८ मिनेटमा ५ दशमलव १ म्याग्निच्युडको भूकम्प गएको हो । केन्द्रबिन्दु २८ दशमलव ४५ डिग्री उत्तर अक्षांश र ८७ दशमलव ५२ डिग्री पूर्वी देशान्तरमा रहेको थियो । भूकम्प १० किलोमिटर गहिराइमा केन्द्रबिन्दु भएर गएको सीईएनसीले जनाएको छ ।
क्षेत्रीय भूकम्प मापन ब्यूरोकाअनुसार जनवरी ७ मा काउन्टीमा गएको ७ म्याग्निच्युडको भूकम्पपछिको यो सबैभन्दा शक्तिशाली परकम्प हो । आजको भूकम्पले केही क्षति गरेको छ कि छैन भन्ने कुराको विवरण भने आइसकेको छैन् ।
उक्त भूकम्पको धक्का चीनसहित बंगलादेश, नेपाल र भारतमा पनि गएको छ ।
प्रतिक्रिया