एजेन्सी । मंगलबार बिहान चीनको डिंग्री काउन्टी केन्द्रबिन्दु भएर गएको शक्तिशाली भूकम्पमा परि मृत्यु हुनेको संख्या ३६ पुगेको छ ।
चीनियाँ सञ्चारमाध्यम सीजीटीएनका अनुसार भूकम्पमा परि हालसम्म ३६ जनाको मृत्यु भएको हो । नेपालको राष्ट्रिय भूकम्प मापन केन्द्रका अनुसार उक्त भूकम्प ७ दशमलव १ रेक्टर स्केलको थियो । यद्यपी, चीनियाँ सञ्चारमाध्यमले भने डिंग्री काउन्टी केन्द्रबिन्दु भएर गएको भूकम्प ६ दशमलव ८ म्याग्निच्युडको रहेको बताइएको छ ।
चाइना अर्थक्वेक नेटवर्क सेन्टरका अनुसार भूकम्पको केन्द्रबिन्दु जमिनको सतहभन्दा १० किलोमिटर गहिराइमा रहेको थियो । डिंग्रीको तोङलाई गाउँमा धेरै घरहरू ढलेको यतिबेला उद्धारको कामहरु चलिरहेको पनि अधिकारीहरुले जनाएका छन् ।
प्रतिक्रिया