भक्तपुर । भक्तपुरको मध्यपुरथिमि नगरपालिका–२ सानोठिमीमा स्कुटर दुर्घटना हुँदा एक जनाको मृत्यु भएको छ ।
श्रीमान श्रीमति सवार स्कुटर दुर्घटना हुँदा श्रीमानको घटनास्थलमै मृत्यु भएको छ भने श्रीमति घाइते भएकी छन् । सानोठिमीबाट मगरगाँउतर्फ जाँदै गरेको बा.प्र. ०२–०२८ प. ६६१० नं को स्कुटर आफैँ अनियन्त्रित भई दुर्घटना भएको थियो । दुर्घटनामा मृत्यु हुने सानोठिमी धुञ्चेपाखा बस्ने ३१ वर्षीय निश्चल प्रकाशराज भण्डारी रहेका छन् ।
यस्तै घाइते २८ वर्षीया पूजा श्रेष्ठको नर्भिक अस्पताल काठमाडौंमा उपचार भइरहेको प्रहरीले जानकारी दिएको छ ।
प्रतिक्रिया