दक्षिण कोरिया विमान दुर्घटना अपडेटः मृतकमध्ये १ सय ४१ जनाको सनाखत

एजेन्सी । आइतबार बिहान दक्षिण कोरियामा भएको विमान दुर्घटनामा मृत्यु भएका १ सय ७९ जनामध्ये १ सय ४१ जनाको सनाखत भएको छ ।

यतिबेला १ सय ७९ जनाको शवलाई अस्थायी शव घरमा राखिएको छ । ती शवहरुलाई अब अनुसन्धान एजेन्सीले अटोप्सी गरेपछि शवलाई परिवारको जिम्मा लगाइने मन्त्रालयले जनाएको छ । पीडितका सामानहरू पनि दुघर्टनाग्रस्त विमानबाट जम्मा पार्ने काम भइरहेको पनि बताइएको छ ।

आइतबार भएको दुघर्टनाको कारणबारे छानबिन भइरहेकोले दुघर्टना भएको ठाउँलाई सुरक्षित रूपमा राखिने भएको छ । विमानमा रहेका १ सय ८१ जना मध्ये २ जनाको जीवितै उद्धार गरिएको थियो । यी दुवै जना चालक दलको सदस्य हुन् ।

यी दुवैको अस्पतालमा उपचार भइरहेको छ र दुवै खतरा बाहिर भएको बताइएको छ ।