गण्डकी प्रदेशमा हिमपातको सम्भावना, अन्य प्रदेशमा मौसम सफा रहने

काठमाडौं । हात देशको पहाडी भूभागमा पश्चिमी वायुका साथै पश्चिमी न्यूनचापीय प्रणालीको आंशिक प्रभाव देखिएको छ ।

जसका कारण देशका पहाडी भागहरुमा मौसम साधरणतया बदली रही बाँकी भूभागको मौसम मुख्यतया सफा रहने छ । आज दिउँसो कोशी, गण्डकी, कर्णाली र सुदूरपश्चिम प्रदेशको हिमाली क्षेत्रमा आंशिक बदली रहने मौसम पूर्वानुमान महाशाखाले जनाएको छ ।

गण्डकी प्रदेशको हिमाली क्षेत्रमा आंशिकदेखि साधरणतया बदली रही एक वा दुई स्थानमा हल्का हिमपातको सम्भावना छ। देशको उच्च पहाडी तथा हिमाली भूभागका एकदुई स्थानमा हल्का हिमपातको सम्भावना रहेको महाशाखाले जनाएको छ । शुक्रबारदेखि फेरि अर्को प्रणाली आउने सम्भावना देखिएको महाशाखाले जनाएको छ ।

शुक्रबारदेखि अर्को पश्चिमी वायुको प्रभाव शुरू हुने जसका कारण पश्चिम नेपालका जिल्लाहरुमा भारी बर्षा समेत हुनसक्ने मौसम पूर्वानुमान महाशाखाले अनुमान गरेको छ ।