काठमाडौं । हाल काठमाडौं उपत्यकासहित देशभर चिसो बढिरहेको छ ।
मौसम विज्ञान विभागका अनुसार आज काठमाडौं उपत्यकाको न्यूनतम तापक्रम तीन दशमलव ९ डिग्री सेल्सियस रहेकोमा आज बिहानको न्यूनतम तापक्रम पनि यति नै रहेको जनाएको छ । अहिले देशभर पश्चिमी वायुको आंशिक प्रभाव रहेको तथा गण्डकी र कर्णाली प्रदेशका पहाडी भागमा आंशिक बदली रही बाँकी भागमा मौसम सफा रहेको महाशाखाले जनाएको छ ।
साथै तराई तथा उपत्यका धेरै ठाउँमा हुस्सु र केही ठाउँमा कुहिरो लागेको छ । महाशाखाका अनुसार आज दिउँसो कोशी, बाग्मती र गण्डकी प्रदेशका हिमाली क्षेत्रमा आंशिक बदली रही बाँकी भागमा मौसम सफा रहने छ भने राति सुदूरपश्चिम, कर्णाली, गण्डकी, लुम्बिनी, बाग्मती र कोशी प्रदेशका केही भागमा आंशिक बदली रही बाँकी भेगमा मौसम सफा रहने छ ।
प्रतिक्रिया