काठमाडौं । पृथ्वी राजमार्गअन्तर्गत धादिङको बेनिघाट रोराङ गाउँपालिका –७ कृष्णभीरमा आइतबार बिहान ग्यास बुलेट दुर्घटना भएको छ ।
चितवनबाट काठमाडौं तर्फ जाँदै गरेको भारतीय नम्बरको ग्यास बुलेट सडकबाट करिब १ सय ५० मिटर तल खसेको प्रहरीले जनाएको छ । प्रहरीका अनुसार बुलेट त्रिशुली नदीले बगाएर करिव दुईसय मिटर तल पुगेको छ । दुर्घटनामा परेको ग्यास बुलेटको उद्दारको काम भइरहेको र हालसम्म घाइते कोही नभेटिएको प्रहरीले जनाएको छ ।
दुर्घटनामा चालक सहचालक समेत बेपत्ता रहेका छन् । सडकबाट तल खसेको गाडीको केही भाग भीरमा अड्किएको छ ।
सो क्षेत्र नजिकैका बासिन्दालाई आवश्यक सतर्कता अपनाउन अनुरोध गरिएको छ ।
प्रतिक्रिया