होलि भिजन माध्यमिक विद्यालयको स्वागत तथा विदाई कार्यक्रम सम्पन्न

काठमाडौं । होलि भिजन माध्यमिक विद्यालयले कक्षा ११ का नयाँ विद्यार्थीहरुलाई स्वागत तथा १२ का विद्यार्थीहरुलाई विदाइ गरेको छ ।

डा. चिन्तामणि योगीको प्रमुख आतिथ्यतामा भएको उक्त कार्यक्र निकै भब्य भएको थियो । कार्यक्रममा विद्यालयका संस्थापक प्रधानाध्यापक नारायण शर्मा गजुरेल, संस्थापक निर्देशक पदम दास सिंह, संस्थापक निर्देशक कृतिनाथ सुवेदी, प्रधानाध्यापक जलन महर्जन र सह–प्रधानाध्यापक बुद्धिसागर त्रिपाठीको उपस्थिती रहेको थियो । साथै शिक्षक तथा विद्यार्थीहरुको उल्लेखनीय सहभागिताले कार्यक्रमलाई थप विशेष बनाएको थियो ।

कक्षा ११ र १२ का विद्यार्थीहरुले प्रस्तुत गरेको बहुरंगी सांस्कृतिक कार्यक्रमहरुले सबैको मन जितेको थियो विशेष गरी किशोरावस्थामा आधारित कक्षा ११ र १२ का विद्यार्थीहरुले प्रस्तुत गरेको प्रभावशाली नाटकले दर्शकहरुलाई हसाँउँदै सोच्न बाध्य बनाएको थियो ।

कार्यक्रममा बोल्दै प्रधानाध्यापक जलन महर्जनले नयाँ विद्यार्थीहरुलाई सफल शैक्षिक यात्राको शुभकामना दिँदै उज्जवल भविष्यको कामना समेत गरेका थिए । उनले विद्यालयको शैक्षिक गुणस्तर र विद्यार्थीहरुको प्रतिभा देशकै उदाहरणीय रहेकोमा गर्व महशुस भएको धारण व्यक्त गरे ।

कार्यक्रमले समुदायमा नयाँ उर्जा र उत्साह भर्ने मात्र नभई शिक्षक, विद्यार्थी र अभिभावक बीचको सम्बन्धलाई थप सुदृढ बनाएको अपेक्षा समेत गरिएको छ ।