काठमाडौं । २४ घण्टादेखि परेको निरन्तरको झरीका कारण बागमतीसहित देशका विभिन्न ठुला नदी तथा खोलाहरुमा जलसतह बढेको छ ।
जल तथा मौसम विज्ञान विभागका अनुसार लगातार परेको बर्षाका कारण बागमती नदीसहित १६ जिल्लाका ३३ वटा नदी तथा खोलाले खतराको सतह पार गरेको छ । त्यसैले यी ३३ स्थानका नदी तथा खोला नजिकका स्थानीयलाई सतर्क रहन आग्रह समेत गरिएको छ ।
पाल्पा, मकवानपुर, पूर्वी नवलपरासी, अर्घाखाँची, रुपन्देही, पश्चिम नवलपरासी, बारा, काभ्रे, ललितपुर, सप्तरी, मोरङ, झापा, इलाम, उदयपुर, मोरङ र पर्साका भएर बग्ने नदी तथा खोलाले सतह पार गरेका हुन् ।
नारायणी, तिनाउ, कोशी, केशलीया, कन्काई, मेची नदीमा पानी बहावले खतराको सतह पार गरेको हो ।
प्रतिक्रिया