कैलाली । मंगलबार रातिदेखि परिरहेको लगातारको अविरल बर्षाका कारण कैलालीका अधिकांश बस्ती डुबानमा परेका छन् ।
अविरल वर्षाका कारण कैलालीको कान्द्रा नदी र मोहना नदीमा पानीको सतह नाघेपछि अधिकांश बस्ती डुबानमा परेका हुन्। प्रहरीका अनुसार प्रायः जसो सबै नदी र खोलामा जल सतह स्तरभन्दा माथि पुगेकाले आसपासका नागरिकलाई सतर्कता अपनाउन आग्रह गरिएको छ । जिल्लाका अधिकांश बस्ती जलमग्न र डुबानमा छन्।
अहिलेसम्म घोडाघोडी नगरपालिका–९, गौरीगंगा नगरपालिका, गौरीगंगा नगरपालिका–७ र ९ मा गरेर करीब एक दर्जन बढी घर डुबानमा परेको प्रारम्भिक विवरण प्राप्त भएको छ।
प्रतिक्रिया