काठमाडौं । यतिबेला काठमाडौं उपत्यकामा भारी बर्षा भइरहेको छ ।
काठमाडौंको कपन, सुन्दरीजल र आसपासका क्षेत्रमा भारी बर्षा भइरहेकाले बाग्मती, धोबीखोला र विष्णुमती नदीमा पानिको बहाव बढेको छ । विभागका अनुसार पछिल्लो ६ घण्टामा कपनमा ४७ मिलिमिटर र सुन्दरीजलमा ४१ दशमलव २ मिलिमिटर वर्षा मापन भएको छ । पानीपोखरीमा २५ मिलिमिटर वर्षा भएको छ ।
बाढी पूर्वानुमान महाशाखाले थप वर्षा हुनसक्ने सम्भावना रहेकाले नदी किनारका क्षेत्रमा बस्ने र सो बाटो भएर यात्रा गर्नेहरुलाई सतर्क रहन अनुरोध गरेको छ । यसैगरी पछिल्लो ६ घण्टामा सबैभन्दा धेरै वर्षा पाल्पाको अर्चलेमा भएको छ । जल तथा मौसम विज्ञान विभागको मौसम पूर्वानुमान महाशाखाका अनुसार पाल्पाको अर्चले वर्षा मापन केन्द्रमा ६ घण्टाको अवधिमा १०५ मिलिमिटर वर्षा रेकर्ड भएको छ ।
यसैगरी स्याङ्जाको पञ्चमुलमा ८० दशमलव २ र पश्चिम नवलपरासीको देउरालीमा ७१ दशमलव ६ मिलिमिटर वर्षा भएको छ । सिन्धुपाल्चोकको बाँसखर्क केन्द्रमा पछिल्लो ६ घण्टामा ४७ मिलिमिटर वर्षा रेकर्ड भएको छ ।
प्रतिक्रिया