अग्रता बढाउँदै सुहाङ नेम्वाङ, पछ्याउँदै डम्बर

इलाम । इलाम–२ मा नेकपा एमालेका उम्मेदवार सुहाङ नेम्वाङले २ हजार ६ सय भन्दा बढी मतका साग आफ्नो अग्रता बढाउँदै लगेका छन् ।

हालसम्मको मतगणना अनुसार सुहाङले ८ हजार ४ सय ८७ मत प्राप्त गर्दा नेपाली कांग्रेसका डम्बर खड्काले ५ हजार ८ सय ४४ मतसहित सुहाङलाई पछ्याइरहेका छन् । त्यसैगरी स्वतन्त्र उम्मेदवार डकेन्द्र सिंह लिम्बु ४ हजार ४ सय ३० मतसहित तेस्रो स्थानमा रहेका छन् भने राष्ट्रिय स्वतन्त्र पार्टीका उम्मेदवार मिलन लिम्बिु चोथौ स्थानमा रहेका छन् । शनिबार भएको उपनिर्वाचनमा ६९ हजार दुई सय ८७ अर्थात् ५९ दशमलव ७९ प्रतिशत मत खसेको थियो ।

सो क्षेत्रमा एक लाख १५ हजार आठ सय ८९ मतदाता थिए । यो उपनिर्वाचनमा १२ राजनीतिक दलका र सात स्वतन्त्रसहित १९ जना चुनावी प्रतिष्पर्धामा रहेका छन् ।