काठमाडौं । बझाङ प्रदेशसभा निर्वाचन क्षेत्र १ मा अझै पनि मतपेटिका संकलनको काम सकिएको छैन् ।
उच्च हिमाली क्षेत्रका मतपेटिकाहरु अझैपनि सदरमुकाम चैतपुर ल्याउन नसक्दा मतगणना सुरु हुने समयको टुङ्गो नभएको हो । शनिबार भएको मतदानपछि केही स्थानको मतपेटिका सङ्कलन हुन बाँकी रहेको प्रहरीले जनाएको छ । चीनको तिब्बतसँग जोडिएको उच्च हिमाली क्षेत्र साइपाल गाउँपालिकास्थित याकुरी डाँडा, यारङकुरिङ, धुली र काँडाको मतपेटिका आउन बाँकी रहेको बताइएको छ ।
त्यसठाउँका मतपेटिकाहरु सेनाको हेलिकप्टर बाटा संकलन गर्ने तयारी गरिएको छ । बझाङमा भएको उपनिर्वाचनमा ४९ दशमलव १२ प्रतिशत मत अर्थात ३० हजार ३२८ मत खसेको थियो । ६१ हजार ७४८ मतदाता रहेकोमा ३० हजार ३२८ जनाले मतदान गरेका हुन् ।
प्रतिक्रिया