सुर्खेत । कर्णाली प्रदेशका मुख्यमन्त्री राजकुमार शर्माले राजीनामा दिने भएका छन् ।
केहिबेरमा सुरु हुने प्रदेशसभाको बैठकलाई सम्बोधन गर्दै उनले राजीनामा दिने तयारी गरेका छन् । केन्द्रीय सत्ता गठबन्धनमा भएको भागबण्डा अनुसार कर्णालीको मुख्यमन्त्री नेकपा एमालेको भागमा परेको थियो । तर माओवादी केन्द्रका संसदीय दलका नेता समेत रहेका मुख्यमन्त्री शर्मा सरकार छाड्न तयार भएनन् ।
प्रदेश सभाबाट विश्वासको मत लिएपछि मात्र केन्द्रमा भएको सहमति कार्यान्वयन गर्ने माओवादी सांसदहरूको अडान थियो । तर, प्रधानमन्त्री समेत रहेका माओवादी अध्यक्ष पुष्पकमल दाहाल प्रचण्डले नेतृत्व एमालेलाई हस्तान्तरण गर्न निर्देशन दिएपछि राजकुमार शर्मा राजीनामा दिने अवस्थामा पुगेका हुन् ।
प्रतिक्रिया