काठमाडौं । प्रधानमन्त्री पुष्पकमल दाहाल प्रचण्ड अमेरिका र चीन भ्रमण सकेर स्वदेश फिर्ता भएका छन् ।
गत भदौं ३० गते राष्ट्र संघीय सभामा सहभागी हुन अमेरिका प्रस्थान गरेका प्रधानमन्त्री प्रचण्ड अमेरिका र चीन भ्रमण सकेर आज (शनिबार) स्वदेश फिर्ता भएका हुन् । उनी आज चीनको छेन्दु विमानस्थलबाट स्वदेशका लागि उडेका हुन् । संयुक्त राष्ट्र संघको कार्यक्रमलाई सम्बोधन गरेर गत असोज गते चीन प्रस्थान गरेका प्रधानमन्त्री प्रचण्डले सोही दिन हान्झाउमा चिनियाँ राष्ट्रपति सी जिनफिङसँग भेटवार्ता गरेका थिए ।
उनले भोलिपल्ट समकक्षी ली छ्याङसँग भेटवार्ता गरेका थिए । द्विपक्षीय भेटवार्तापछि विभिन्न सहमति र सम्झौतामा हस्ताक्षर भएको थियो । एक साताको औपचारिक भ्रमणका लागि अमेरिकाबाट सिधै चीन पुगेका प्रधानमन्त्री प्रचण्डले तिब्बतस्थित मानसरोवर र कैलास पर्बत लगायत स्थानको अवलोक भ्रमण गरेका थिए ।
उनको भ्रमण दलमा छोरी गङ्गा दाहाल, परराष्ट्रमन्त्री नाराणप्रकाश साउद, भौतिक पूर्वाधार तथा यातायातमन्त्री प्रकाश ज्वाला, खानेपानीमन्त्री महिन्द्र राय यादव, प्रधानमन्त्री दाहालका प्रमुख राजनीतिक सल्लाहकार हरिबोल गजुरेल, राष्ट्रिय सुरक्षा सल्लाहकार शङ्करदास वैरागी, मुख्यसचिव डा वैकुण्ठ अर्याल, विभिन्न मन्त्रालयका सचिवहरू, निजी क्षेत्रका तर्फबाट छाता संस्था नेपाल उद्योग वाणिज्य महासङ्घका अध्यक्ष चन्द्रप्रसाद ढकालसहित अन्य व्यवसायी तथा सदस्यहरू रहेका छन् ।
प्रतिक्रिया