सिन्धुली । मध्यपहाडी लोकमार्गअन्तर्गत घुर्मी–खुर्कोट सडकखण्डको लौकुनबाट गाडी सुनकोसी नदिमा खसेको छ ।
भक्तपुरबाट खोटाङतर्फ जाँदै गरेको बिएबी ७४६७ नम्बरको स्कारपियो गोलन्जोर गाउँपालिका– ७ को लौकुनबाट सुनकोसीमा खस्दा तीन कर्मचारी बेपत्ता भएका प्रहरीले जनाएको छ। दुर्घटनामा परि सिटिइभिटीका निर्देशक कृष्णबहादुर केसी, निर्देशक यमबहादुर भुजेल र प्राविधिक अधिकृत भानु पौडेल सहित ३ जना वेपत्ता भएका छन् ।
प्रहरीका अनुसार यतिबेला उनिहरुको खोजि कार्य चलिरहेको छ । खोजिकार्यका लागि यतिबेला काठमाडौं बाट गोताखोरको टोली परिचालन गरिएको प्रहरीले जनाएको छ ।
प्रहरीका अनुसार सवारी चालक कृष्णबहादुर चौधरी पौडिएर निस्कन सफल भएका छन् ।
प्रतिक्रिया