काठमाडौं । नागरिक उन्मुक्ति पार्टीले संरक्षक रेशम चौधरीको रिहाइको माग गर्दै नेपाल बन्द देखि विभिन्न आन्दोलनका कार्यक्रम घोषणा गरेको छ ।
नउपाले बुधबार पत्रकार सम्मेलन गर्दै आन्दोलनका कार्यक्रमको घोषणा गरेको हो । पत्रकार सम्मेलनमार्फत विरोध प्रदर्शनका कार्यक्रम सार्वजनिक गर्दै सो पार्टीले कोणसभा र प्रदर्शनबाट माग पुरा नभए नेपाल बन्दसम्मको कार्यक्रम ल्याउने घोषणा गरेको छ ।
नागरिक उन्मुक्ति पार्टीले लाल आयोगको प्रतिवेदन सार्वजनिक गरी रेशम चौधरीलगायत टीकापुर घटनामा मुछिएर जेलमा रहेकालाई रिहा गर्न माग गरेको छ । यी माग पुरा नभए नेपाल बन्द सम्मका कार्यक्रम ल्याइने बताउँदै नउपाले पाँच गतेसम्म देशैभरि कोणसभा तथा विरोध प्रदर्शनका कार्यक्रम तय गरेको छ ।
त्यसपछि पनि माग पुरा नभए जेठ ६ गतेदेखि नेपाल बन्द कार्यक्रम ल्याउने चेतावनी नउपाले दिएको छ ।
प्रतिक्रिया