एजेन्सी । आईपीएल क्रिकेटमा दिल्ली क्यापिटल्सले रोयल च्यालेन्जर्स बैंगलोरलाई ७ विकेटले पराजित गरेको छ ।
शनिबार राति भएको दोस्रो खेलमा दिल्लीले १ सय ८२ रनको विजय लक्ष्य १६ दशमलव ४ ओभरमा ३ विकेट गुमाएर भेटायो । दिल्लीको जितमा डेभिड वार्नर र फिल साल्टले ६० रनको महत्वपूर्ण साझेदारी गरे । वार्नर १४ बलमा २२ रन बनाएर आउट भए । फिलिप साल्टले अर्धशतक पूरा गरे ।
४५ बलमा ८ चौका र ६ छक्काको मद्दतमा उनले ८७ रन बनाए । दिल्लीको अरुण जेटली स्टेडियममा टस जितेर पहिले ब्याटिङ गरेको बैंगलोरले निर्धारित २० ओभरमा ४ विकेटको क्षतिमा १८१ रन बनाएको थियो । बैंगलोरका लागि विराट कोहलीले ५५, कप्तान फाफ डुप्लेसीले ४५ महिपाल लोमरोरले अविजित ५४ रन बनाए ।
बलिङतर्फमा मिचेल मार्शले २ विकेट लिए । शनिबार नै भएको पहिलो खेलमा चेन्नाई सुपरकिंग्सले मुम्बई इण्डियन्सलाई ६ विकेटले हराएको थियो ।
प्रतिक्रिया