काठमाडौं । राष्ट्रपति रामचन्द्र पौडेलले अघिल्लो संसदबाट पारित भएर गएको नागरिकता विद्येयक प्रमाणिकरण गरेका छन् ।
बुधबार बिहान राष्ट्रपति पौडेलले नागरिकता विद्येयक प्रमाणिकरण गरेको राष्ट्रपति कार्यालयले जनाएको छ । प्रतिनिधिसभाको दुवै सदनबाट दुई दुई पटक पारित भएर गएको उक्त विद्येयक तत्कालीन राष्ट्रपति विद्यादेवी भण्डारीले होल्ड गरेर राखेकि थिइन् । राष्ट्रपति कार्यालयमा होल्ड भएर बसेको उक्त नागरिकता विद्येयक प्रमाणिकरण गर्न सरकारले गत १२ जेठमा राष्ट्रपति पौडेललाई अनुरोध समेत गरेको थियो ।
मन्त्रीपरिषद्को आग्रहअनुसार नै संविधानको धारा ६१ र ६६ बमोजिम राष्ट्रपतिले विद्येयक प्रमाणिकरण गरेको जनाइएको छ । यद्यपी बाहिर भने अघिल्लो संसदले पास गरेर पठाएको नागरिकता विद्येयक प्रमाणिकरण गर्नु संविधान विपरित भएको बताइएको छ ।
प्रतिक्रिया