विराटनगर । कोशी प्रदेशसभा सचिवालय अगाडी प्रदर्शन गर्ने १७ जना पहिचानवादीलाई प्रहरीले पक्राउ गरेको छ ।
पहिचानका आधारमा कोशी प्रदेशको नामाकरण गर्नुपर्ने माग सहित आन्दोलनका लागि प्रदेशसभा भवन अगाडी पुगेका १७ जनालाई प्रहरीले नियन्त्रणमा लिएको हो । प्रदेश सभा सचिवालय नजिकै देवकोटा चोक र अस्पताल चोक पक्राउ गरिएको मोरङ प्रहरीले जनकारी दिएको छ ।
निषेधित क्षेत्र तोडेर प्रदर्शन गर्न थालेपछि पक्राउ गरेको प्रहरीले जनाएको छ । पक्राउ परेकाको साथबाट गुलेली र ढुंगा बरामद भएको प्रहरीले जनाएको छ । प्रदेश सभाको दोस्रो तथा बजेट अधिवेशन आजबाट सुरु हुँदैछ । प्रदेश सभाको बजेट अधिवेशनलक्षित आन्दोलन घोषणा गरेका पहिचान पक्षधरले आज बिहानैदेखि प्रदेश सभा सचिवालय अगाडि प्रदर्शन गर्ने तयारी गरेको थियो ।
आन्दोलनको जानकारी पाएपछि प्रहरीले प्रदेश सभा सचिवालय आसपासको सुरक्षा व्यवस्था कडा पारेको छ ।
प्रतिक्रिया