प्रतिनिधिसभा बैठक ६ बजेका लागि तय

काठमाडौं । प्रमुख प्रतिपक्ष दल नेकपा एमालेका कारण स्थगित भएको प्रतिनिधिसभा बैठक साँझ ६ बजेका लागि तय भएको छ ।

मध्यान्ह साढे १२ देखि स्थगित भएको बैठक साँझ ६ बजेका लागि बोलाइएको संघीय संसद सचिवालयले जनाएको छ । एमालेले अडान नछाडेपछि २० मिनेटका लागि भनेर स्थगित गरिएको बैठक दिउँसो ३ बजेका लागि बोलाइएको थियो । प्रतिपक्षी दल एमाले र सत्तापक्षबीच कुरा नमिल्दा बैठकको समय फेरी परिवर्तन भएको हो ।

संसद सचिवालयले जारी गरेको सूचनामा भनिएको छ, आज मिति २०८० साल जेठ १२ गते शुक्रबार सूचना प्रकाशित गरी दिनको ३ः०० बजे बस्ने गरी निर्धारण भएको प्रतिनिधि सभाको बैठक विशेष कारण उक्त समयमा बस्न नसक्ने भएकोले प्रतिनिधि सभा नियमावली, २०७९ को नियम ६ को उपनियम (२) को प्रतिबन्धात्मक वाक्यांश बमोजिम सम्माननीय सभामुखज्यूले सभाको बैठक आजै बेलुका ६ः०० बजे बस्ने गरी निर्धारण गर्नुभएको व्यहोरा मा.सदस्यहरुको जानकारीको लागि यो सूचना प्रकाशित गरिएको छ ।