काठमाडौं । तीन वटा यातायात मजदूर संगठनले आह्वान गरेको सार्वजनिक यातायात बन्द आन्दोलन फिर्ता भएको छ ।
नेपाल सरकार र यातायात व्यवसायीबीच भएको वार्ता सकारात्मक भएपछि यातायात बन्द फिर्ता भएको छ । सम्झौता गरिएका मागहरू पूरा नगरेको भन्दै आन्दोलनमा उत्रिएका यातायात मजदुर र व्यवसायीसँग सरकारले फागुन २ गते वार्ता गरेको थियो । उपप्रधान एवं भौतिक पूर्वाधार तथा यातायात मन्त्री नारायणकाजी श्रेष्ठको पहलमा भएको वार्तापछि बन्दा फिर्ता भएको जानकारी उपप्रधानमन्त्री श्रेष्ठका प्रेस सल्लाहकार कमल गिरीले दिए ।
फागुन १ गते बालाजु बसपार्कमा भएको झडपपछि नेपाल यातायात स्वतन्त्र मजदूर सङ्गठन, अखिल नेपाल यातायात मजदूर सङ्घ र नेपाल यातायात मजदूर सङ्घले यातायात बन्द गरेका थिए । शान्तिपूर्ण प्रदर्शन गरिरहेका मजदूरमाथि आक्रमण भएको र प्रहरीले मजदूरलाई पक्राउ गरेको भन्दै उनीहरूले यातायात बन्द गरेका थिए।
प्रतिक्रिया