काठमाडौं । राष्ट्रपति विद्यादेवी भण्डारी हनुमानढोकास्थित नासलचोकमा आयोजित वसन्त श्रवण कार्यक्रममा सहभागी भएका छन् ।
बिहान १०ः४७ बजे हनुमानढोकामा आयोजना गरिएको वसन्त श्रवण कार्यक्रममा राष्ट्रपति भण्डारी सहभागी भएका हुन् । वसन्त श्रवणमा राजतन्त्र हुञ्जेल राजा जाने गरेकामा लोकतान्त्रिक गणतन्त्र स्थापना भएपछि राष्ट्राध्यक्षका नाताले राष्ट्रपतिको उपस्थिति हुन थालेको हो । वसन्त श्रवण कार्यक्रममा राष्ट्रपतिका साथै उपराष्ट्रपति, प्रधानमन्त्री, उपप्रधानमन्त्रीहरु, मन्त्रीहरु, सांसदहरु, संवैधानिक अंगका प्रमुख एवं सदस्य, प्रदेशसभा सदस्यलगायत सहभागी थिए ।
कार्यक्रममा १२औं शताब्दीमा बंगालका कवि जयदेवद्वारा रचित गीत गोविन्द काव्य राष्ट्रपतिलाई सुनाइएको थियो ।
प्रतिक्रिया