वरिष्ठ नेत्र चिकित्सक डा. रुइतलाई प्रधानमन्त्री दाहालको बधाई

काठमाडौं । प्रधानमन्त्री पुष्पकमल दाहाल प्रचण्डले प्रतिष्ठित इसा अवार्ड प्राप्त गरेका वरिष्ठ नेत्र चिकित्सक डा. सन्दुक रुइतलाई बधाई दिएका छन् ।

बिहीबार सामाजिक सञ्जालमार्फत प्रधानमन्त्री प्रचण्डले डा। सन्दुकको प्रशंसा गर्दै प्रतिष्ठित इसा अवार्ड प्राप्त गरेकोमा बधाई दिएका हुन् । प्रधानमन्त्रीले भनेका छन्, ‘मानव कल्याणको क्षेत्रमा उहाँको योगदान देशकै लागि प्रतिष्ठित र प्रशंसनीय छ । राज्यसँग उहाँले गरेका अपेक्षालाई सरकारले गम्भीरतापूर्वक लिनेछ ।’

वरिष्ठ नेत्र चिकित्सक डा. सन्दुक रुइतले प्रतिष्ठित इसा अवार्ड प्राप्त गर्नुभएकोमा हार्दिक बधाइ ज्ञापन गर्दछु। मानव कल्याणको क्षेत्रमा उहाँको योगदान देशकै लागि प्रतिष्ठित र प्रशंसनीय छ। राज्यसँग उहाँले गरेका अपेक्षालाई सरकारले गम्भीरतापूर्वक लिनेछ।

— PMO Nepal (@PM_nepal_) January 19, 2023