रेसुङ्गा विमानस्थलमा आज डेमो उडान

गुल्मी । गुल्मीको रेसुङ्गा विमानस्थलमा आइतबार डेमो उडान हुँदैछ ।

यस अवसरमा रेसुङ्गा नगरपालिका कार्यालयमा सार्वजनिक बिदा दिइएको छ । रेसुङ्गा नगरपालिकाका प्रमुख प्रशासकीय अधिकृत हरिप्रसाद अर्यालले नगरपालिकाको समन्वयमा विमानस्थलमा परीक्षण उडान गर्न लागिएकाले आइतबार नगरपालिकाका सम्पूर्ण सेवा बन्द हुने उल्लेख गरेका छन् ।

त्रिभुवन अन्तर्राष्ट्रिय विमानस्थलबाट तारा एयरको ट्वीनअटर जहाज रेसुङ्गा विमानस्थल प्रस्थान गर्नेछ । एयरलाइन्स कम्पनीका अनुसार तारा एयरले आइतबार बिहान १० बजेर ३० मा डेमो उडान गर्नेछ । यो जहाज रेसुङ्गा विमानस्थलमा झण्डै १ घण्टा रहने छ त्यसपछि पुनः काठमाडौं फिर्ता हुने छ ।