यातायात प्राधिकरणको स्थापनापछि दुर्घटना न्यूनीकरण हुन्छ:मेयर शाह

काठमाडौं । काठमाडौं महानगरपालिकाका मेयर बालेन्द्र शाहले यातायात प्राधिकरणको स्थापनापछि काठमाडौं उपत्यकामा हुने सवारी दुर्घटना न्यूनीकरण हुँदै जाने विश्वास व्यक्त गरेका छन् ।

संघीय संसदबाट काठमाडौं उपत्यकामा हुने सडक दुर्घटना न्यूनीकरणका लागि विधेयक पारित भएको उल्लेख गर्दै उनले सडक दुर्घटना न्यूनीकरण हुँदै जाने बताए । सबै सार्वजनिक सवारी साधनहरुको शेयर बराबर हुनेगरी विधेयक पास भएकाले सवारी साधनहरुबीच अस्वस्थ प्रतिस्पर्धा भई दुर्घटना हुने क्रममा कमी आउने मेयर साहको भनाइ थियो । आइतबार काठमाडौंमा आयोजित एक कार्यक्रममा उनले सार्वजनिक यातायातमा हुने जामका कारण मोटरसाइकल लगायतका दुई पाङग्रे सवारी साधनको चाप बढेको उल्लेख समेत गरे ।

मेयर शाहले काठमाडौं उपत्यका भित्र हुने सवारी दूर्घटनामा परी घाईते भएकाहरुको तत्काल उपचार हुने गरी आवश्यक व्यवस्था मिलाउन पनि प्रयास भइरहेको जानकारी दिए ।