काठमाडौं । काठमाडौं महानगरपालिकाका मेयर बालेन्द्र शाहले इमान्दार भएर काम गर्न मातहतका निकायलाई निर्देशन दिएका छन् ।
कुनै पनि कामलाई सफल बनाउन स्वच्छ र इमान्दार हुनुपर्ने मेयर शाहको भनाई छ । बुधबार काठमाडौंमा आयोजित वडा महिला सञ्जालः गठन र सञ्चालनसम्बन्धि छलफल’ कार्यक्रममा बोल्दै उनले जघन्य अपराधका घटनालाई मेलमिलाप गरेर टुंगो लगाउन नहुने धारणा समेत राखेका छन् ।
जघन्य अपराधका घटनालाई अदालतमा गएर न्याय निरुपण गराउन भ्रष्ट आचरण भएकाहरुले बाधा अवरोध पुर्याउने भएकाले त्यसतर्फ सचेत रहनुपर्ने मेयर शाहले बताए । उनले स–साना केसहरु ५ देखी १० बर्ष अदालतमा अड्किने भन्दै त्यसो हुन नहुने बताए । स्थानिय सरकारले यस्ता बिषयलाई सम्बन्धीत निकायमा लैजान सहयोग गर्नुपर्ने भन्दै नागरिक प्रति बफादार भए मात्रै राम्रो काम गर्न सकिने उनले बताए ।
मेयर शाहले स्थानीय सरकारलाई बलियो बनाउन सकेमात्रै महिला हिंसालगायतका जघन्य अपराधका घटनालाई निष्तेज पार्न सकिने पनि उल्लेख गरे ।
प्रतिक्रिया