एमालेले एकल बहुमत ल्याउँछ : अध्यक्ष ओली

काठमाडौं । नेकपा (एमाले)का अध्यक्ष केपी शर्मा ओलीले आसन्न प्रतिनिधिसभा र प्रदेशसभाको निर्वाचनमा एमालेले एकल बहुमत ल्याउने दावी गरेका छन् ।

नेपाली जनताको साथ रहेकाले एमाले एक्लैले बहुमत ल्याउने अध्यक्ष ओलीले दृढ विश्वास थियो । मंगलबार काठमाडौंमा पार्टीको चुनावी घोषणा पत्र सार्वजनिक गरेलगत्तै आयोजित बहस कार्यक्रममा भाग लिँदै उनले अरु पार्टीका लागि भने एकल बहुमत बिल्कूलै सम्भव नभएको जिकीर समेत गरे ।

२ सय ७५ सिट मध्ये १ सय ३८ सिट प्रतिनिधिसभामा आए बहुमत पुग्ने उल्लेख गर्दै अध्यक्ष ओलीले आफ्नो पार्टीले प्रतिनिधिसभामा १ सय ५० सिटको गन्तव्य बनाएर निर्वाचनमा होमिएको स्पष्ट पारेका छन् । अध्यक्ष ओलीले एमालेको सरकारका बेला गरेका कामहरु जनताले देखेकाले आगामी निर्वाचनमा बहुमत ल्याउने तर्क गरेका छन् ।

अध्यक्ष ओलीले एमालेले आगामी निर्वाचनमा पपुलर मत ५१ प्रतिशत भन्दा बढि ल्याउने पटकपटक दोहोर्‍याए । अध्यक्ष ओलीले पार्टीले सार्वजनिक गरेको चुनावी घोषणा पत्रको प्रतिवद्धताहरु पूरा गर्नका लागि ल्याइएको बताए ।