काठमाडौं । नेपाल समाजवादी पार्टीका अध्यक्ष एवं पूर्वप्रधानमन्त्री बाबुराम भट्टराईले प्रत्यक्षतर्फ चुनाव नलड्ने घोषणा गरेका छन् ।
भट्टराईले सोमबार सामाजिक सञ्जाल फेसबुकमार्फत आगामी मंसिर ४ गते हुने प्रतिनिधिसभा निर्वाचनमा उम्मेदवार नबन्ने जानकारी गराएका हुन । २०६४, ७० र ७४ को संविधानसभा र प्रतिनिधिसभा निर्वाचनमा विजयी गराएर सेवा गर्ने अवसर दिनुभएकोमा सम्पूर्ण गोरखाली बुबाआमा, दिदीबहिनी, दाजुभाइहरूमा हृदयदेखि आभार व्यक्त गर्दछु,’ भट्टराईले लेख्नुभएको फेसबुक स्टाटसमा भनिएको छ ।
उनले प्रत्यक्ष चुनाव नलडे पनि पार्टीको काम र जनसेवामा निरन्तर खटिरहने प्रतिबद्धता पनि जनाएका छन् । चुनाव नलड्नु भनेको राजनीति छोड्नु हैन ! भन्दै भट्राईले कतिपय मानिसहरूले जानी नजानी त्यस्तो सोचे पनि सत्तादेखि सत्ता र चुनावदेखि चुनावसम्मको राजनीति गर्नेहरूले त्यसो भन्नु अन्यथा नभएको बताएका छन् ।
सही र असल राजनीति भनेको समाजको सर्वतोमुखी अग्रगामी रूपान्तरण र जनता÷समाजको सेवा गर्ने साधन हो भन्ने कुरामा आप्mनो विश्वास रहेको उनको भनाई छ ।
नेकपा माओवादी केन्द्रको चुनाव चिह्न गोलाकार भित्रको हँसिया हथौडाबाट चुनावी प्रतिस्पर्धा गर्ने निर्णय लिएका नेसपाका अध्यक्ष भट्टराई गोरखा क्षेत्र नम्बर २ का आकांक्षी थिए ।
प्रतिक्रिया