काठमाडौं । पछिल्लो २४ घण्टामा ४३ जनामा कोरोना सङ्क्रमण पुष्टि भएको छ ।
७ सय ९८ नमूना परीक्षण गर्दा सो सङ्ख्यामा सङ्क्रमण पुष्टि भएको हो । त्यसैगरि २४ घण्टामा ४८ जना कोरोना सङ्क्रमणमुक्त भएका छन् । देशभर सक्रिय सङ्क्रमितको सङ्ख्या ७ सय १६ रहेको छ ।
हालसम्म नेपालमा १० लाख ४ सय १४ जनामा कोरोना सङ्क्रमण पुष्टि भएको छ । सङ्क्रमितमध्ये ९ लाख ८७ हजार छ सय ८२ जना सङ्क्रमणमुक्त भएका छन् भने १२ हजार १८ जनाको मृत्यु भएको छ । शनिबार २३ हजार ६ सय ७ जनाले कोरोना भाइरसविरुद्धको खोप लगाएका छन् ।
हालसम्म दुई करोड ३२ लाख आठ हजार चार सय ८३ जनाले खोपको पहिलो मात्रा, दुई करोड २३ लाख २४ हजार नौ सय ३३ जनाले पूर्ण मात्रा र ७९ लाख ७२ हजार सात सय ९१ जनाले खोपको अतिरिक्त मात्रा लगाएको मन्त्रालयको तथ्याङ्क छ ।
प्रतिक्रिया