काठमाडौँ । विवेकशील साझा पार्टीका पूर्व अध्यक्ष रविन्द्र मिश्र राष्ट्रिय प्रजातन्त्र पार्टी प्रवेश गरेका छन् ।
बुधवार काठमाडौँमा एक कार्यक्रमबीच उनी राप्रपा प्रवेश गरेका हुन् । एक कार्यक्रममा व्राह्मण बटुकहरुले स्वस्तिवाचन र शंखघोषसहित पार्टी प्रवेश गरे । राप्रपा र रविन्द्र मिश्र समूहबीच एकता भएको हो ।
राप्रपाका अध्यक्ष राजेन्द्र लिङ्देनपछिको वरीयतामा रहने गरी वरिष्ठ उपाध्यक्ष पदसहित मिश्र राप्रपामा प्रवेश गरेका हुन् । यसअघि सोमवार मिश्रले विवेकशील साझा पार्टीको साधारण सदस्यबाट समेत राजीनामा दिएका थिए ।
मिश्र काठमाडौं–१ बाट चुनावी प्रतिष्पर्धाको तयारीमा छन् ।
प्रतिक्रिया